Watchtower TANAKIʼAGA TOHI ʼI TE NETI

Watchtower TANAKIʼAGA TOHI ʼI TE NETI

TANAKIʼAGA TOHI ʼI TE NETI

Pesa 135:15-18

Tohi-Tapu Fakaliliu ʼo Te Malama Foʼou
- 15 Neʼe faʼu e te ʼu puleʼaga ʼanatou fakatata ʼaki te siliva mo te aulo,
  ʼE ko te gaue ia ʼo te ʼu nima ʼo te tagata.+
  
  16 ʼE ʼi ai ʼonatou gutu kae ʼe mole palalau,+
  Ni mata, kae ʼe mole sisio.
  17 ʼE ʼi ai ʼonatou taliga kae ʼe mole logo.
  
  Pea ʼe mole natou manava.+
  
  18 ʼE liliu anai te kau faʼu fakatata ohage ko te ʼu fakatata,+
  ʼO toe feia pe mo natou fuli ʼae ʼe falala ki ai.+

Esaia 40:19

Tohi-Tapu Fakaliliu ʼo Te Malama Foʼou
- 19 ʼE haka e te tagata tufuga he ukamea moʼo faʼu he fakatata,
  Pea ʼe ʼaofi leva ʼaki te aulo e te tagata gaue ukamea+
  Mo faʼu ni seini siliva.

Esaia 46:6

Tohi-Tapu Fakaliliu ʼo Te Malama Foʼou
- 6 ʼE ʼi ai te hahaʼi ʼae ʼe maluku mai tanatou kato te aulo.
  ʼE natou fua te siliva ʼi te meʼa fua.
  
  ʼE natou totogi he tagata tufuga ukamea ke ina fai he ʼatua.+
  
  Pea ʼe natou tulolo leva ʼi ʼona muʼa ʼo atolasio ki ai.+

Selemia 10:3, 4

Tohi-Tapu Fakaliliu ʼo Te Malama Foʼou
- 3 ʼE mole he ʼuhiga ʼo te ʼu agaʼi fenua ʼa te hahaʼi.
  
  ʼE tuʼusi he fuʼu ʼakau ʼo te vao matuʼa,
  Pea ʼe gaueʼi e te tagata tufuga ʼakau ʼaki tana meʼa gaue.+
  
  4 ʼE fakamataleleiʼi ʼaki te siliva mo te aulo,+
  Pea ʼe fakapipiki ʼaki ni hamale mo ni faʼo ke tuʼu maʼu.+

Selemia 10:8, 9

Tohi-Tapu Fakaliliu ʼo Te Malama Foʼou
- 8 ʼE natou agavale fuli, ʼe mole natou fakakaukau pe la.+
  
  ʼE natou tuku ke akoʼi natou e he fuʼu ʼakau. ʼI fakaʼofaʼofa leva!+
  
  9 ʼE fetuku mai te siliva mai Talesisi+ pea mo te aulo mai Ufasi,
  ʼAe ʼe gaueʼi e te tagata tufuga.
  
  ʼE fai te ʼu teu ʼo te ʼu taula ʼatua ʼaki te filo ʼuʼui pea mo te fuluʼi akeno huʼa lotuma fakapoʼuli.
  
  ʼE faʼu te ʼu taula ʼatua fuli ʼaia e ni tagata tufuga faiva.

Gaue 19:26

Tohi-Tapu Fakaliliu ʼo Te Malama Foʼou
- 26 Kae kua kotou sisio mo logo ʼi te temi nei, ʼe mole gata pe ʼi Efeso+ kae ʼi te teitei potu fenua katoa ʼo Asia, kua fakalotoʼi e te tagata ʼaeni ko Paulo, he hahaʼi tokolahi ke natou tui. Neʼe ina toe fetogi foki mo tanatou manatu, ʼo ina ui ko te ʼu ʼatua ʼae neʼe faʼu e te tagata ʼe mole ko he ʼu ʼatua moʼoni ia.+

1 Kolonito 10:19

Tohi-Tapu Fakaliliu ʼo Te Malama Foʼou
- 19 Pea kotea tona fakaʼuhiga? ʼE maʼuhiga koa te kanoʼi manu ʼae neʼe momoli ki te ʼu taula ʼatua? Peʼe maʼuhiga koa he taula ʼatua?