26 Neʼe haʼu ia Saulo ʼi te tahi faʼahi ʼo te moʼuga kae nofo ia Tavite mo tana kau tagata ʼi te tahi age faʼahi ʼo te moʼuga. Neʼe hola fakavilivili ia Tavite+ mai ia Saulo, kae neʼe fakaovi age ia Saulo mo tana kau tagata kia Tavite pea mo tana kau tagata, ke natou puke ia natou.+ 27 Kae neʼe haʼu leva he tagata ʼave logo kia Saulo, ʼo ina ui: “Haʼu fakavilivili, koteʼuhi kua ʼohofi e te kau Filisitini te fenua!” 28 Neʼe tuku ai e Saulo tana tuli ia Tavite+ kae alu ʼo tauʼi te kau Filisitini. Ko te tupuʼaga la ʼaia ʼo te fakahigoaʼi ʼo te koga meʼa ʼaia ko te Maka ʼo Te Mavete.

21 ʼI te ʼosi mavae ʼa te ʼu tagata ʼaia, neʼe nā ʼomai ki tuʼa mai te vai keli ʼo nā olo ʼo fakaha te logo ki te Hau ko Tavite. Neʼe nā ui age ki ai: “Kotou tutuʼu ake ʼo fakalaka fakavilivili ʼi te vai tafe, he ʼe koʼeni te tokoni ʼae neʼe fai e Asitofele ʼo ʼuhiga mo koutou.”+ 22 Neʼe tutuʼu ake aipe ia Tavite mo te hahaʼi fuli ʼae neʼe fakatahi mo ia, ʼo fakalaka ʼi te Solotane. ʼI te mafoata, neʼe kua natou ʼosi fakalaka fuli ʼi te Solotane.