31 Koteʼuhi ʼe mole hage tonatou fuʼu maka ko totatou Maka Malohi,+

Pea kua mahino ki ai ʼotatou fili.+

 2 ʼE mole he tahi ʼe maʼoniʼoni ohage ko Sehova,

ʼE mole he tahi ʼe hage ko koe,+

Pea ʼe mole he ʼutu ʼe hage ko tomatou ʼAtua.+

33 Ko te ʼAtua moʼoni ʼe ko toku kolo tau malohi,+

Pea ʼe ina fakaliliu anai toku ala ʼo haohaoa.+

34 ʼE ina fakaliliu ʼoku vaʼe ke hage ko te ʼu vaʼe ʼo he tia fafine.

ʼE ina fakatuʼu au ʼi ni faʼahi maʼoluga.+

35 ʼE ina akoʼi ʼoku nima ki te tau,

ʼE au poto ʼi te fakaʼaogaʼi ʼo te nahau kapa.

36 ʼE ke foaki mai tau meʼa tali tau moʼoku puipui,

Pea ʼe fakakololiaʼi au ʼuhi ko tau agavaivai.+

37 ʼE ke fakalaulahi te ala ke au haʼele ai

Naʼa au heke.+

38 ʼE au tuli anai ʼoku fili pea mo matehi natou.

ʼE mole au toe liliu mai anai kae heʼeki au pulihi katoa natou.

39 Pea ʼe au pulihi katoa anai mo molomoloki natou, ke mole feala hanatou toe tutuʼu ake.+

ʼE natou fetoki anai ʼi ʼoku vaʼe.

40 ʼE ke foaki mai anai te malohi ki te tau,+

Pea ʼe ke fakato anai ʼoku fili ʼi ʼoku vaʼe.+

41 ʼE feholaki anai ʼoku fili ʼi ʼoku muʼa ʼuhi ko koe.+

ʼE au matehi anai ia natou ʼae ʼe fehihiʼa kia au.+

42 ʼE natou kalaga ʼo kole tokoni, kae ʼe mole he tahi moʼonatou haofaki.

Pea ʼe natou pauʼi kia Sehova, kae ʼe mole ina tali age kia natou.+

43 ʼE au laliki anai natou ke natou hage ko te efu ʼo te kele,

ʼE au laliki mo molomoloki anai natou ohage ko te pela ʼo te ʼu ala.