20 Neʼe fai atu aipe e Moisese mo Alone te ʼu meʼa ʼae neʼe fakatotonu age e Sehova. Neʼe hiki ake e Alone tona toko ʼo taʼi te vai ʼo te Nile ia muʼa ʼo Falaone mo ʼana hahaʼi faifekau, pea neʼe liliu te vai katoa ʼo te vai tafe ʼo toto.+

6 Neʼe faoʼi ai e Alone tona nima ki te ʼu vai ʼo Esipito, pea neʼe kamata hake ake mai ai te ʼu kelenui pea neʼe mafola ʼi te fenua katoa ʼo Esipito.

17 Neʼe nā mulimuli ki ai. Neʼe hiki leva e Alone tona toko pea neʼe ina taʼi te kele. Neʼe liliu ai te efu ko he ʼu foʼi namu pea neʼe ʼomai ki te ʼu tagata mo te ʼu manu. Neʼe liliu te efu katoa ko he ʼu foʼi namu ʼi te fenua katoa ʼo Esipito.+

6 Pea neʼe fakahoko e Sehova te faʼahi ʼaia ʼi te ʼaho ake. Neʼe mamate ai te faga manu fuli ʼa te kau Esipito,+ kae neʼe mole pe la mate he manu ʼe tahi ʼi te faga manu ʼa te kau Iselaele.

10 Neʼe nā toʼo ai te lefulefu ʼo he gutuʼumu pea neʼe nā olo kia muʼa ʼo Falaone. Neʼe li e Moisese te lefulefu ki te ʼaele, pea neʼe fakatupu e te lefulefu ʼaia he ʼu foʼi polo ʼi te ʼu tagata mo te ʼu manu.

23 Neʼe hiki ai e Moisese tona toko ki te lagi. Pea neʼe fakaʼuʼulu leva e Sehova te mana pea mo fakato te ʼuamaka mo te afi* ki te kele. Neʼe haga fakato e Sehova te ʼuamaka ki te fenua ʼo Esipito.

12 Pea neʼe ui e Sehova kia Moisese: “Faoʼi tou nima ki te fenua ʼo Esipito ke ʼomai te ʼu heʼe ki te fenua katoa pea ke natou kai te ʼu vao ʼakau fuli ʼo te fenua, ia te ʼu meʼa fuli ʼae neʼe mole maumauʼi e te ʼuamaka.”

21 Neʼe ui leva e Sehova kia Moisese: “Hiki tou nima ki te lagi, ke fakapoʼuli katoa ai ia te fenua ʼo Esipito, ʼei, ke fakapoʼuli gaogao.”