18 Neʼe kohu katoa te Moʼuga ʼo Sinai, he neʼe hifo ia Sehova ki ai ʼi he afi.+ Neʼe alu ake te kohu ohage ko he kohu ʼo he gutuʼumu, pea neʼe galulu malohi te moʼuga katoa.+

9 “Neʼe au haga sioʼi pea neʼe fakatuʼu ni hekaʼaga fakahau. Neʼe heka+ leva te Matuʼa ʼo Te ʼu ʼAho.+ Neʼe hihina ʼona mutuʼi meʼa ohage ko te nive+ pea neʼe hina ʼona fuluʼi ʼulu ohage ko te fuluʼi ovi. Neʼe hage tona hekaʼaga fakahau ko te ʼu uloʼi afi, pea neʼe hage te ʼu teka ʼo tona hekaʼaga fakahau ko he afi kakaha.+ 10 Neʼe tafe mai ai he vai tafe afi. Neʼe tauhi te toko lauʼi afe mo afe* kia te ia+ pea neʼe tutuʼu te toko teau miliona ʼi ʼona muʼa.+ Neʼe kamata ai te faifakamau+ pea neʼe avahi leva ni tohi.

29 He ʼe ko totatou ʼAtua ʼe ko he afi kakaha.+