-
Neemia 13:15Tohi-Tapu Fakaliliu ʼo Te Malama Foʼou
-
-
15 ʼI te ʼu ʼaho ʼaia, neʼe au sio ki te hahaʼi ʼi Suta neʼe natou molomoloki te ʼu vite ʼi te ʼu lomiʼaga vite ʼi te Sapato,+ mo natou ʼaumai ki Selusalemi ʼi te ʼaho ʼo te Sapato te fulumeto ʼae neʼe natou hili ki te ʼu asino, pea mo natou ʼaumai te vino, mo te ʼu fuaʼi vite, mo te ʼu fuaʼi fiku, pea mo te ʼu faʼahiga kavega kehekehe.+ Pea neʼe au fakatokaga age kia natou ke ʼaua naʼa natou fakatau ni meʼa ʼi te ʼaho ʼaia.*
-
-
Esaia 56:2Tohi-Tapu Fakaliliu ʼo Te Malama Foʼou
-
-
2 Manuʼia te tagata ʼae ʼe ina fai te meʼa ʼaia,
Pea mo te foha ʼo te tagata ʼae ʼe ina fakahoko lelei,
ʼAe ʼe ina taupau te Sapato ʼo mole ina maumauʼi+
Pea ʼe mole ina fai he aga ʼe kovi.
-
-
Selemia 17:21Tohi-Tapu Fakaliliu ʼo Te Malama Foʼou
-
-
21 Koʼeni te folafola ʼa Sehova: “Kotou tokakaga kia koutou totonu: ʼI te ʼaho ʼo te Sapato, ʼaua naʼa kotou ʼamo he kavega pea ʼaua naʼa kotou fakahu he kavega ʼi te ʼu matapa ʼo Selusalemi.+
-