25 ʼI tanatou kamata nonofo ʼi ai, neʼe mole natou manavasiʼi* kia Sehova. Koia neʼe ʼaumai ai e Sehova he ʼu laione kia natou,+ pea neʼe natou matematehi ʼihi hahaʼi. 26 Pea neʼe fakaha leva ki te hau ʼo Asilia: “Ko te ʼu puleʼaga ʼae neʼe ke ʼave popula pea ke tuku ke nonofo ʼi te ʼu kolo ʼo Samalia, ʼe mole natou iloʼi te lotu* ʼa te ʼAtua ʼo te fenua. Koia ʼe ina ʼaumai tuʼumaʼu pe he ʼu laione kia natou, pea ʼe matehi natou e te ʼu laione, he ʼe mole he tahi ʼe ina iloʼi te lotu ʼa te ʼAtua ʼo te fenua.”