Watchtower TANAKIʼAGA TOHI ʼI TE NETI

Watchtower TANAKIʼAGA TOHI ʼI TE NETI

TANAKIʼAGA TOHI ʼI TE NETI

Esaia 32:14

Tohi-Tapu Fakaliliu ʼo Te Malama Foʼou
- 14 Kua siʼaki te tule malohi,
  Kua tuʼu lavaki te kolo ʼae neʼe logoaʼa.+
  
  ʼE liʼakina anai te Ofeli*+ pea mo te tule leʼo.
  ʼE liliu anai ko he palatiso maʼa te ʼu asino vao,
  Pea ko he koga meʼa lunaʼia maʼa te faga manu.+

Selemia 9:11

Tohi-Tapu Fakaliliu ʼo Te Malama Foʼou
- 11 ʼE au fakaliliu anai ia Selusalemi ko ni tuʼuga maka,+ he nofoʼaga ʼo te ʼu kuli vao,+
  Pea ʼe au fakaliliu anai te ʼu kolo ʼo Suta ko he koga meʼa lavaki ʼo mole kei nofoʼi.+

Tagilaulau 1:4

Tohi-Tapu Fakaliliu ʼo Te Malama Foʼou
- 4 Kua putu te ʼu ala ʼae ki Sione he ʼe mole kei haʼu he tahi ki te ʼu ʼaho lalahi.+
  
  Kua maumau ʼona matapa fuli.+ ʼE lauga ʼona pelepitelo.
  
  ʼE lotomamahi ʼosi ʼona taʼahine taupoʼou mo lotohoha ʼaupito.

Tagilaulau 2:8, 9

Tohi-Tapu Fakaliliu ʼo Te Malama Foʼou
- 8 Kua fakatotonu e Sehova ke ina holoʼi te kaupa ʼo te taʼahine ʼo Sione.+
  
  Neʼe ina faoʼi te maea ʼae moʼo fakafuafua.+
  
  Neʼe mole ina taʼofi tona nima kae neʼe ina fakahoko te maumau.
  
  Kua tuʼu lavaki te ʼu kaupa
  
  Pea kua maumau.
  
  ט [Teta]
  
  9 Kua tanumia ʼona matapa ʼi te kele.+
  
  Kua ina maumauʼi mo fasifasiʼi ʼona ʼakau fakalava.
  
  Kua mavetevete ʼi te ʼu puleʼaga tona hau mo ʼona tama ʼaliki.+
  
  ʼE mole kei ʼi ai he lao.* Maʼia mo ʼana polofeta ʼe mole kei fakaha e Sehova he meʼa kia natou.+