-
2 Hau 19:22-24Tohi-Tapu Fakaliliu ʼo Te Malama Foʼou
-
-
22 Ko ai koa ʼae neʼe ke laga tau ki ai pea mo laukoviʼi?+
Ko ai koa ʼae neʼe ke leʼo lahi ki ai+
Pea mo sio ki ai ʼaki he fiameʼalahi?
ʼE ko te Maʼoniʼoni ʼo Iselaele!+
23 ʼAki ʼau tagata ʼave logo+ neʼe ke laga tau kia Sehova+ pea mo ui:
‘ ʼAki ʼaku tuʼuga saliote tau
ʼE au hake anai ki te tumutumu ʼo te ʼu moʼuga,
Te ʼu koga meʼa mamaʼo ʼo Lipane.
ʼE au taʼaga anai ʼona fuʼu sete lalahi, mo ʼona fuʼu senelie matalelei.
ʼE au ulu anai ki ʼona koga meʼa ʼae ʼe tuʼu mamaʼo, pea mo ʼona vao matuʼa matalelei.
24 ʼE au keli anai he ʼu vai keli pea mo inu anai te vai ʼo he fenua matapule.
ʼE au fakamamaha anai te ʼu vai tafe fuli* ʼo Esipito ʼaki ʼoku ʼalofi vaʼe.’
-
-
Esaia 10:20Tohi-Tapu Fakaliliu ʼo Te Malama Foʼou
-
-
20 ʼI te ʼaho ʼaia, ko te toe ʼo te hahaʼi ʼo Iselaele,
Ia natou ʼae neʼe hao ʼi te hakoga ʼo Sakopo,
ʼE mole natou toe falanaki anai kia ia ʼae neʼe ina tauteaʼi natou,+
Kae ʼe natou falanaki anai kia Sehova,
Te Maʼoniʼoni ʼo Iselaele ʼi te agatonu.
-