8 Ki muli age, neʼe ui e te pelepitelo lahi ko Ilekisa kia Safani, te sikalaipe:+ “Neʼe au maʼu te tohi ʼo te Lao+ ʼi te fale ʼo Sehova.” Neʼe fakatoʼo age ai e Ilekisa te tohi kia Safani, ʼo ina kamata lau.+

20 Pea neʼe fakatotonu e te hau kia Ilekisa, mo Asikame,+ te foha ʼo Safani, mo Apitoni, te foha ʼo Mikea, mo Safani, te sikalaipe pea mo Asaia, te tagata tokoni gaue ʼa te hau: 21 “Kotou olo ʼo fakafehuʼi ia Sehova maʼaku pea maʼa natou ʼae kei toe ʼi Iselaele pea mo Suta, ʼo ʼuhiga mo te ʼu folafola ʼo te tohi ʼaeni neʼe maʼu. ʼE lahi anai te ita ʼo Sehova ʼae ka to kia tatou, he neʼe mole fakahoko e ʼatatou kui te ʼu folafola ʼa Sehova. Neʼe mole natou mulimuli ki te ʼu meʼa fuli ʼae ʼe tuʼu ʼi te tohi ʼaeni.”+

24 Kae neʼe lagolago ia Asikame,+ foha ʼo Safani+ kia Selemia, ʼo mole tuku ai ia Selemia ki te hahaʼi ʼae neʼe natou fia matehi ia ia.+

13 Pea neʼe fekauʼi e Nepusalatane, te pule ʼo te kau leʼo, mo Nepusasepane te Lapesalise,* mo Nekale-saletesele te Lapemake* mo te ʼu hahaʼi maʼuhiga fuli ʼae neʼe gaue ki te hau ʼo Papiloni he ʼu tagata ke olo 14 ʼo fakamavae ia Selemia ʼi te Malaʼe ʼo Te Kau Leʼo.+ Neʼe natou tuku ia ia kia Ketalia,+ foha ʼo Asikame,+ foha ʼo Safani+ ʼae neʼe ina ʼave ki tona ʼapi. Pea neʼe maʼuli leva mo te hahaʼi.

11 Pea neʼe tutuʼu ʼi ʼonatou muʼa he kau takitaki ʼe toko 70 ʼo te hahaʼi ʼo Iselaele. Pea neʼe kau ai ia Saasania foha ʼo Safani.+ Neʼe natou tahi puke tana tutuʼaga iseso pea neʼe alu ake tona ʼaele magoni.+