-
Selemia 14:13Tohi-Tapu Fakaliliu ʼo Te Malama Foʼou
-
-
13 Kae neʼe au ui: “Oiaue, siʼoku Tuʼi ʼAliki ko Sehova! ʼE ui age ia e te kau polofeta: ‘ ʼE mole hoko anai kia koutou te tau peʼe ko te hoge, he ʼe au foaki atu anai te tokalelei moʼoni ʼi te koga meʼa ʼaeni.’ ”+
-
-
Selemia 23:16, 17Tohi-Tapu Fakaliliu ʼo Te Malama Foʼou
-
-
16 Koʼeni te folafola ʼa Sehova ʼo te ʼatu kautau:
“ ʼAua naʼa kotou fakalogo ki te ʼu faifakakikite ʼa te ʼu polofeta.+
ʼE natou kakaʼi koutou.
ʼE natou fakamatala atu neʼe ha he meʼa kia natou kae neʼe natou faʼufaʼu pe,+
ʼE mole haʼu ia mai te gutu ʼo Sehova.+
17 ʼE natou ui tuʼumaʼu pe kia natou ʼae ʼe fehihiʼa kia au,
‘Neʼe ui e Sehova: “ ʼE kotou maʼuli tokalelei anai.” ’+
Pea ʼe natou ui kia natou fuli ʼae ʼe uigataʼa mo mulimuli ki ʼonatou loto:
‘ ʼE mole hoko anai he malaʼia kia koutou.’+
-
-
Selemia 28:1, 2Tohi-Tapu Fakaliliu ʼo Te Malama Foʼou
-
-
28 Koʼeni te meʼa ʼae neʼe hoko ʼi te taʼu ʼaia, ʼi te temi ʼae neʼe kamata pule ai te Hau ʼo Suta ko Setesiasi.+ Ko te nima mahina ʼaia ʼo te fa taʼu ʼo tana pule. Neʼe ui e te polofeta ko Hanania, foha ʼo Asuli mai Kipeone+ kia Selemia kae neʼe natou ʼi te fale lotu ʼo Sehova mo te ʼu pelepitelo pea mo te hahaʼi katoa: 2 “Koʼeni te folafola ʼa Sehova ʼo te ʼatu kautau, te ʼAtua ʼo Iselaele: ‘ ʼE au fakagata anai te pule ʼa te hau ʼo Papiloni.+
-