22 Neʼe ko te hiva mahina* ʼaia pea neʼe nofo te hau ʼi ʼona koga fale ʼo te temi momoko. Neʼe ulo te afi ʼi ʼona muʼa ʼi te tutuʼaga afi. 23 ʼI te ʼosi lau e Seutesi ni ʼatu ʼe tolu peʼe fa, neʼe tuʼusi e te hau ia te koga ʼaia ʼaki te hele ʼa te sikalaipe, ʼo ina li ki te afi ʼi te tutuʼaga afi pea neʼe ina fai feia ʼo kaku ki te vela katoa ʼo te takaiga tohi ʼi te tutuʼaga afi. 24 Neʼe mole tuʼania pe la e te hau mo ʼana tagata faifekau ʼi tanatou logo ki te ʼu folafola fuli ʼaia. Pea neʼe mole hae pe la e he tahi ʼona mutuʼi meʼa.