12 ʼE au pulihi anai ʼi Esipito ia natou fuli ʼae neʼe nonofo ʼi Suta, ʼae neʼe natou fakatotonu ke natou olo ʼo maʼuʼuli ʼi Esipito.+ ʼE natou mamate anai ʼi te tau pea ʼi te hoge. ʼEi, ʼe natou mamate anai ʼi te tau pea ʼi te hoge, mai ia ia ʼae ʼe malalo kia ia ʼae ʼe maʼuhiga. ʼE fakamalaʼia anai ia natou mo fakalainoaʼi. Pea ʼe talanoaʼi anai natou e te hahaʼi ʼi ʼanatou faitutuku, pea ʼe natou liliu anai ko he meʼa fakalialia ʼuhi ko te meʼa ʼae ka hoko kia natou.+