-
Pesa 136:5Tohi-Tapu Fakaliliu ʼo Te Malama Foʼou
-
-
5 Neʼe ina faʼu te lagi ʼaki tona ʼatamai,+
He ʼe ina fakaha tona ʼofa agatonu ʼo talu ai.
-
-
Esaia 40:22Tohi-Tapu Fakaliliu ʼo Te Malama Foʼou
-
-
ʼE ina folahi te lagi ohage ko he kie manifi,
Ohage ko he fale la ke nofoʼi.+
-
-
Selemia 10:12-16Tohi-Tapu Fakaliliu ʼo Te Malama Foʼou
-
-
12 Ko Ia ʼae neʼe ina faʼu te kele ʼaki tona mafimafi,
Ia Ia ʼae neʼe ina fakatuʼu te kele ʼae ʼe maʼuli lelei ʼaki tona poto,+
Pea ko ia ʼae neʼe ina folahi te lagi ʼaki tona ʼatamai.+
13 ʼE hou te ʼu vai ʼo te lagi
Moka ina fakaha tona leʼo,+
Pea ʼe ina fakahake ake ni ʼao mai te ʼu potu taupotu ʼo te kele,+
Mo ina fakatapa te hila mo fakato te ʼua ʼi he temi pe ʼe tahi,
Pea mo fakaagi te matagi mai ʼona fale tanakiʼaga meʼa.+
14 ʼE agavale mo hala ʼatamai te tagata fuli pe.
ʼE ufiufi anai te tagata tufuga ʼuhi ko te fakatata ʼae neʼe ina togi.+
ʼE ko he kaka tana fakatata ukamea
Pea ʼe mole manava pe la.+
15 Ko ni gaue ʼe vaʼi anai, ʼe mole honatou ʼuhiga.+
ʼE pupuli anai ʼi te ʼaho ʼae ka fakamauʼi ai natou.
16 Kae ʼe mole hage te Vahe* ʼo Sakopo ko te ʼu meʼa ʼaia,
Koteʼuhi ko Ia ʼae neʼe ina faʼu ia meʼa fuli,
Pea ko Iselaele ko te ʼakau ʼo tona tofiʼa.+
Ko tona huafa ko Sehova ʼo te ʼatu kautau.+
-