48 Neʼe fai e Salomone te ʼu meʼa fuli ʼaeni ʼo te fale ʼo Sehova: te ʼaletale+ aulo, mo te laupapa+ aulo ʼae neʼe hili ki ai te ʼu pane ʼae neʼe molagaʼi, 49 mo te ʼu tuʼulaga malama+ ʼi te muʼa Potu Taputapu ʼAupito* neʼe fai ʼaki te aulo maʼa, neʼe tuʼu he ʼu tuʼulaga malama ʼe nima ʼi te faʼahi mataʼu pea mo he ʼu tuʼulaga malama ʼe nima ʼi te faʼahi hema, pea mo te ʼu fisiʼi teu kua mātala,+ mo te ʼu malama, pea mo te ʼu pipi,* neʼe fai ʼaki te aulo,+