Watchtower TANAKIʼAGA TOHI ʼI TE NETI

2 Hau 21:16

Tohi-Tapu Fakaliliu ʼo Te Malama Foʼou
- 16 Neʼe toe lahi foki te ligi toto ʼae neʼe fai e Manase. Neʼe ina matehi ia natou ʼae neʼe mole natou fai he meʼa ʼe kovi, mai te tahi potu ʼo Selusalemi ki te tahi potu.+ ʼE hilifaki atu ki ai mo te agahala ʼae neʼe ina fai, ʼi tana uga ia Suta ke agahala, pea ke ina fai te meʼa ʼae ʼe kovi kia mata ʼo Sehova.

Esaia 59:7

Tohi-Tapu Fakaliliu ʼo Te Malama Foʼou
- 7 ʼE feleleʼi ʼonatou vaʼe moʼo fai te meʼa ʼae ʼe kovi,
  ʼE natou ʼoho fakavilivili ʼo liligi te toto ʼo natou ʼae ʼe mole natou fai he meʼa ʼe kovi.+
  
  ʼE kovi tuʼumaʼu pe ʼanatou manatu,
  ʼE maʼu ʼi ʼonatou ala te maumau mo te malaʼia.+

Selemia 2:34

Tohi-Tapu Fakaliliu ʼo Te Malama Foʼou
- 34 Ko tou tapaʼi kofu,
  Kua pulepule ʼi te toto ʼo te hahaʼi masiva pea mo natou ʼae neʼe mole natou fai he meʼa ʼe kovi.+
  Logo la neʼe mole au maʼutoka te hahaʼi ʼaia ʼe natou ulufi fakamalohi tou ʼapi,
  
  Kae ʼe totototo pe tou tapaʼi kofu.+

Tagilaulau 4:13

Tohi-Tapu Fakaliliu ʼo Te Malama Foʼou
- 13 ʼE hoko te aluʼaga ʼaia ʼuhi ko te ʼu agahala ʼo ʼona polofeta mo te ʼu hala ʼo ʼona pelepitelo,+
  ʼAe neʼe natou liligi te toto ʼo te kau faitotonu ʼi te loto kolo.+

Mateo 23:34, 35

Tohi-Tapu Fakaliliu ʼo Te Malama Foʼou
- 34 Ko te tupuʼaga la ʼaia ʼo taku fekauʼi atu he kau polofeta,+ mo he kau popoto pea mo he kau faiako.+ ʼE kotou matehi+ anai pea mo tutuki ʼihi ia natou ʼi he ʼu pou, pea ʼe kotou huipiʼi+ anai ʼihi ʼi ʼakotou sinakoka pea mo fakatagaʼi+ natou mai ʼae kolo ki he tahi kolo. 35 Koia, ke to kia koutou te toto ʼo te kau faitotonu fuli ʼae neʼe liligi ʼi te kele, mai te toto ʼo te tagata faitotonu ko Apele+ ki te toto ʼo Sakalia, te foha ʼo Palakia, ʼae neʼe kotou fakapogi ʼi te vaha ʼo te sagatualio mo te ʼaletale.+