46 “Koʼeni te folafola ʼa te Tuʼi ʼAliki ko Sehova: ‘ ʼE pupunu anai te matapa ʼo te malaʼe ʼae ʼi loto ʼo te potu esite+ ʼi te ʼu ʼaho gaue ʼae ʼe ono,+ kae ʼe ava anai ʼi te ʼaho ʼo te Sapato mo te ʼaho ʼo te tuʼu afiafi ʼo te mahina. 2 ʼE haʼu anai te pule mai te malaʼe ʼae ʼi tuʼa, ʼo hu ʼi te fakamalumaluʼaga ʼo te matapa+ pea ʼe tuʼu ovi anai ki te kaumatapa. ʼE momoli anai e te kau pelepitelo ia tana holokoseta mo ʼana sakilifisio ʼo te tokalelei. ʼE tulolo anai ʼi te huʼaga, pea hoki alu ai leva ki tuʼa. Kae ʼe mole pupunu anai te matapa ia muʼa ʼo te afiafi.