Watchtower TANAKIʼAGA TOHI ʼI TE NETI

Esaia 9:6

Tohi-Tapu Fakaliliu ʼo Te Malama Foʼou
- 6 Kua tupu te tamasiʼi maʼa tatou,+
  Kua foaki mai te foha maʼa tatou.
  Pea ʼe hili anai te pule* ki ʼona fuga ʼuma.+
  
  ʼE fakahigoaʼi anai ko Faitokoni Taulekaleka,+ ʼAtua Malohi,+ Tamai Heʼe Gata, Tama ʼAliki ʼo Te Tokalelei.

Esekiele 21:26, 27

Tohi-Tapu Fakaliliu ʼo Te Malama Foʼou
- 26 Koʼeni te folafola ʼa te Tuʼi ʼAliki ko Sehova: ‘Toʼo te kie* ʼi tou ʼulu mo te kolona.+ ʼE hoko anai ni fetogi.+ Fakamaʼuhigaʼi ia ia ʼae ʼe malalo,+ pea fakamalaloʼi ia ia ʼae ʼe maʼuhiga.+ 27 Ko he maumau, ko he maumau, ko he maumau, ʼe au fakaliliu anai ke feia. Pea ʼe mole maʼu anai* e he tahi ʼo kaku ki te haʼu ʼo ia ʼae ʼe tonu ke ina maʼu,+ pea ʼe au foaki age anai ki ai.’+

Taniela 4:17

Tohi-Tapu Fakaliliu ʼo Te Malama Foʼou
- 17 ʼE kalagaʼi e te kau tagata leʼo te tonu ʼaia,+ ʼei, ʼe fakaha e te kau maʼoniʼoni te fakamau* ʼaia. ʼE iloʼi ai anai e te hahaʼi fuli, ʼe puleʼi e te Maʼoluga te ʼu puleʼaga ʼo te tagata.+ Pea ʼe natou toe iloʼi anai ʼe ina tuku te pule kia ia ʼae ʼe ina fia foaki ki ai, pea ʼe ina fakanofo ke pule ia te tagata ʼae ʼe malalo ʼosi.”

Amosi 9:11

Tohi-Tapu Fakaliliu ʼo Te Malama Foʼou
- 11 ‘ ʼI te ʼaho ʼaia, ʼe au toe fakatuʼu anai te fale la* ʼo Tavite+ ʼae neʼe holo,
  ʼE au pupunu anai te ʼu pu,
  Pea ʼe au toe faʼu anai te ʼu faʼahi ʼae kua maumau.
  Pea ʼe au toe laga anai ohage pe ko tona tuʼu ʼi te temi muʼa,+