Pesalemo

Ki te pule ʼo te kau faimaholo. Pesalemo ʼa te ʼu foha ʼo Kole.+

47 Hahaʼi fuli, ke kotou pasipasi.

Kotou kalaga fakafiafia ki te ʼAtua.

2 Ko Sehova te Maʼoluga ʼe fakamanavahe.+

ʼE ko ia te Hau lahi ʼi te kele katoa.+

3 ʼE ina fakamaʼua ki te hahaʼi ke fakalogo mai kia tatou.

ʼE ina tuku ni puleʼaga ki ʼotatou lalo vaʼe.+

4 ʼE ina filifili he tofiʼa maʼa tatou,+

ʼAe ʼe fiameʼameʼa ai ia Sakopo, tona ʼofaʼaga.+ (Sela)

5 Neʼe hake te ʼAtua kae kalaga fakafiafia te hahaʼi.

Neʼe hake ia Sehova ʼi te tagi ʼo te fakatagi pupuhi.*

6 Kotou hiva fakavikiviki* ki te ʼAtua, kotou hiva fakavikiviki.

Kotou hiva fakavikiviki ki totatou Hau, kotou hiva fakavikiviki.

7 ʼE Hau te ʼAtua ki te kele katoa.+

Kotou hiva fakavikiviki mo fakasiosio poto.

8 Kua Hau te ʼAtua ʼi te ʼatu puleʼaga.+

ʼE ʼafio te ʼAtua ʼi tona hekaʼaga fakahau taputapu.

9 Neʼe fakatahitahi te ʼu pule ʼo te hahaʼi

Mo te hahaʼi ʼa te ʼAtua ʼo Apalahamo.

ʼE pule te ʼAtua ki te kau takitaki* ʼo te kele.

ʼE lahi tona kololia.+