Pesalemo
Ko He Hiva ʼo Te Faifagona.
129 “Neʼe natou tauʼi tuʼumaʼu au talu mai toku temi tupulaga,”+
—Ke tala e Iselaele ʼi te temi nei—
2 “Neʼe natou tauʼi tuʼumaʼu au talu mai toku temi tupulaga,+
Kae neʼe mole natou malo ia au.+
3 ʼE hage toku tuʼa ko he kele neʼe fuli e te kau gaue kele,+
ʼEi, ko he kele neʼe natou gaueʼi.”
5 Ko natou fuli ʼae ʼe fehihiʼa ki Sione
ʼE natou ufiufi anai mo holomuli ʼi tonatou fakalainoaʼi.+
6 ʼE natou hage anai ko te vao ʼae ʼi te ʼu ʼato,
ʼAe ʼe moamoa ʼi muʼa ʼo tona taʼaki,
7 ʼAe ʼe mole lahi ʼi te nima ʼo te tagata tanaki taʼukai,
Peʼe ko te ʼu nima ʼo ia ʼae ʼe ina haʼi te ʼu fuhiga fulumeto.
8 ʼE mole ui anai e te hahaʼi ʼae ʼe fakalaka:
“Ke kotou maʼu te tapuakina ʼa Sehova.
ʼE matou tapuakiʼi koutou ʼi te huafa ʼo Sehova.”