Sosue

19 Neʼe toe fai leva he toho, ʼo to ai te lua vahe+ ki te telepi ʼo Simeone,+ pea neʼe vaevae ʼi ʼonatou famili. Neʼe tuʼu tonatou tofiʼa ʼi te tofiʼa ʼo Suta.+ 2 Ko tonatou tofiʼa neʼe ko Pele-sepa+ mo Sepa, mo Molata,+ 3 mo Hatesale-suale,+ mo Pala, mo Esemi,+ 4 mo Eletolati,+ mo Petuli, mo Holema, 5 mo Tesikelake,+ mo Pete-malekapoti, mo Hatesale-susa, 6 mo Pete-lepaoti,+ pea mo Salueni. Neʼe fakatahiʼi ko kolo ʼe 13, pea mo te ʼu kolo liliki ʼae ʼi ʼonatou tafaʼaki. 7 Neʼe toe ʼi ai mo Aine, mo Limoni, mo Eteli, pea mo Asani.+ Neʼe fakatahiʼi ko kolo ʼe fa, pea mo te ʼu kolo liliki ʼae ʼi ʼonatou tafaʼaki, 8 ʼo feia mo te ʼu kolo liliki fuli ʼae ʼi te ʼu tafaʼaki ʼo te ʼu kolo ʼaia ʼo kaku ki Paalati-peeli, ʼae ʼe toe higoa ko Lama ʼi te potu saute. Neʼe ko te fenua ʼaia neʼe foaki ki te hologa ʼo Simeone ko honatou tofiʼa pea neʼe vaevae ʼi ʼonatou famili. 9 Neʼe toʼo te tofiʼa ʼo te hologa ʼo Simeone mai te vahe ʼo te hologa ʼo Suta, he neʼe lahi fau tonatou vahe kia natou. Koia neʼe maʼu ai e te hologa ʼo Simeone he ʼu kele mai te tofiʼa ʼo Suta.+

10 Neʼe toe fai he toho, ʼo to ai te tolu vahe+ ki te hologa ʼo Sepulone,+ pea neʼe vaevae ʼi ʼonatou famili. Pea neʼe kaku te tuʼakoi ʼo tonatou tofiʼa ki Salite. 11 Neʼe alu te tuʼakoi ki Maleala, ʼi te potu uesite, ʼo kaku ki Tapeseti, ʼo hoko atu ai ki te vai tafe* ʼae ʼe haga ki Sokineami. 12 Neʼe haʼu mai Salite ki te potu esite, te hopoʼaga ʼo te laʼa, ʼo kaku ki te tuʼakoi ʼo Kisiloti-tapole, pea alu ai ki Tapelati+ ʼo hake ki Safia. 13 Pea neʼe haʼu mai ai ki te potu esite, te hopoʼaga ʼo te laʼa, ʼo kaku ki Kiete-efele,+ mo Eta-kasini, pea alu ai ki Limoni ʼo kaku ki Nea. 14 ʼI te potu noleto, neʼe alu leva te tuʼakoi ki Anatoni pea neʼe gata leva ʼi te potu fenua ʼae ko Sifetake-ele pea neʼe tuʼu ʼi te vaha ʼo te ʼu moʼuga. 15 Neʼe toe ʼi ai mo Katati, mo Nalali, mo Similone,+ mo Siteala, pea mo Petelehemi.+ Neʼe fakatahiʼi ko kolo ʼe 12, pea mo te ʼu kolo liliki ʼae ʼi ʼonatou tafaʼaki. 16 Neʼe ko te fenua ʼaia neʼe foaki ki te hologa ʼo Sepulone ko honatou tofiʼa pea neʼe vaevae ʼi ʼonatou famili.+ Neʼe natou maʼu te ʼu kolo ʼaia, ʼo feia mo te ʼu kolo liliki ʼae ʼi ʼonatou tafaʼaki.

17 Neʼe toe fai he toho, ʼo to ai te fa vahe+ ki te hologa ʼo Isakale,+ pea neʼe vaevae ʼi ʼonatou famili. 18 Neʼe kaku tonatou tuʼakoi ki Siseleele,+ mo Kesuloti, mo Sunemi,+ 19 mo Afalaime, mo Kione, mo Anasalate, 20 mo Lapiti, mo Kisioni, mo Epesi, 21 mo Lemeti, mo Ene-kanimi,+ mo Ene-ata, pea mo Pete-patesesi. 22 Neʼe kaku tonatou tuʼakoi ki Tapole,+ mo Sasasima pea mo Pete-semesi, ʼo gata leva ʼi te Solotane. Neʼe fakatahiʼi ko kolo ʼe 16, pea mo te ʼu kolo liliki ʼae ʼi ʼonatou tafaʼaki. 23 Neʼe ko te fenua ʼaia neʼe foaki ki te telepi ʼo Isakale ko honatou tofiʼa pea neʼe vaevae ʼi ʼonatou famili.+ Neʼe natou maʼu te ʼu kolo ʼaia, ʼo feia mo te ʼu kolo liliki ʼae ʼi ʼonatou tafaʼaki.

24 Neʼe toe fai he toho, ʼo to ai te nima vahe+ ki te telepi ʼo Asele,+ pea neʼe vaevae ʼi ʼonatou famili. 25 Neʼe ovi tonatou tuʼakoi ki Elekati,+ mo Hali, mo Peteni, mo Akisafi, 26 mo Alameleke, mo Ameate, pea mo Miseale. ʼI te potu uesite, neʼe kaku te tuʼakoi ki Kalemelo,+ pea mo Sihole-lipinate, 27 pea neʼe toe alu ki Pete-takone, ʼi te potu esite, ʼo kaku ki Sepulone pea mo te potu fenua ʼae ko Sifetake-ele, ʼi te potu noleto, mo Pete-emeki pea mo Neiele. Pea neʼe kaku leva te tuʼakoi ki Kapuli ʼi te faʼahi hema, 28 pea neʼe alu ai ki Epelone, mo Leopi, mo Hamone, pea mo Kanea, ʼo kaku ki Sitoni Lahi.+ 29 Neʼe alu te tuʼakoi ki Lama pea neʼe kaku ki te kolo tau ko Tile.+ Pea neʼe alu te tuʼakoi ki Hosa pea neʼe gata leva ʼi te tai, ʼi te potu fenua ʼo Akesipe, 30 mo Uma, mo Afeke,+ pea mo Leopi.+ Neʼe fakatahiʼi ko kolo ʼe 22, pea mo te ʼu kolo liliki ʼae ʼi ʼonatou tafaʼaki. 31 Neʼe ko te fenua ʼaia neʼe foaki ki te telepi ʼo Asele ko honatou tofiʼa pea neʼe vaevae ʼi ʼonatou famili.+ Neʼe natou maʼu te ʼu kolo ʼaia, ʼo feia mo te ʼu kolo liliki ʼae ʼi ʼonatou tafaʼaki.

32 Neʼe toe fai he toho, ʼo to ai te ono vahe+ ki te hologa ʼo Nefetali, pea neʼe vaevae ʼi ʼonatou famili. 33 Neʼe kamata te tuʼakoi ʼi Elefi pea mo te fuʼu ʼakau lahi ʼo Sananimi,+ pea neʼe alu ai ki Atami-nekepi, pea mo Sapeneele, ʼo kaku ki Lakumi. Neʼe gata ai leva te tuʼakoi ʼi te Solotane. 34 Neʼe alu te tuʼakoi ki Asenoti-tapoa, ʼi te potu uesite, pea neʼe alu ai ki Ukoki, ʼo kaku ki Sepulone, ʼi te potu saute, mo Asele ʼi te potu uesite, pea mo Suta ʼi te Solotane, ʼi te potu esite. 35 Ko te ʼu kolo tau neʼe ko Tesetime, mo Tesele, mo Amati,+ mo Lakati, mo Kineleti, 36 mo Atama, mo Lama, mo Atesoli,+ 37 mo Ketesi,+ mo Etelei, mo Ene-atesoa, 38 mo Sileoni, mo Mikitale-ele, mo Holemi, mo Pete-anati, pea mo Pete-semesi.+ Neʼe fakatahiʼi ko kolo ʼe 19, pea mo te ʼu kolo liliki ʼae ʼi ʼonatou tafaʼaki. 39 Neʼe ko te fenua ʼaia neʼe foaki ki te telepi ʼo Nefetali ko honatou tofiʼa pea neʼe vaevae ʼi ʼonatou famili.+ Neʼe natou maʼu te ʼu kolo ʼaia, ʼo feia mo te ʼu kolo liliki ʼae ʼi ʼonatou tafaʼaki.

40 Neʼe toe fai he toho, ʼo to ai te fitu vahe+ ki te telepi ʼo Tane,+ pea neʼe vaevae ʼi ʼonatou famili. 41 Neʼe ovi tonatou tuʼakoi ki Solea,+ mo Esetaoli, mo Ile-semesi, 42 mo Salapini,+ mo Asaloni,+ mo Itela, 43 mo Eloni, mo Timenea,+ mo Ekelone,+ 44 mo Eleteke, mo Kipetoni,+ mo Paalati, 45 mo Seuti, mo Pene-pelaki, mo Kiete-limoni,+ 46 mo Me-salakone, pea mo Lakone, pea neʼe alu ai te tuʼakoi ʼi muʼa ʼo Sope.+ 47 Kae neʼe veliveli fau te fenua ʼo te telepi ʼo Tane kia natou.+ Koia neʼe natou olo ʼo tauʼi ia Lesemi,+ ʼo natou maʼu ai te kolo, kae neʼe natou matehi te hahaʼi ʼaki te heleta. Neʼe natou nonofo leva ʼi te kolo. Pea neʼe natou fakahigoa te kolo ko Tane, te higoa ʼo tanatou kui.+ 48 Neʼe ko te fenua ʼaia neʼe foaki ki te telepi ʼo Tane ko honatou tofiʼa pea neʼe vaevae ʼi ʼonatou famili. Neʼe natou maʼu te ʼu kolo ʼaia, ʼo feia mo te ʼu kolo liliki ʼae ʼi ʼonatou tafaʼaki.

49 Neʼe vaevae feia ai te fenua ki te ʼu telepi ke liliu ko honatou tofiʼa. Neʼe foaki leva e te kau Iselaele kia Sosue, te foha ʼo Nune hona tofiʼa ʼi tonatou fenua. 50 Neʼe natou mulimuli ki te fakatotonu ʼa Sehova, ʼo natou foaki age te kolo ʼae neʼe ina kole, ia Timinati-sela,+ ʼae ʼi te potu moʼugaʼia ʼo Efalaimi. Neʼe toe laga ai e Sosue te kolo pea neʼe nofo ai.

51 Neʼe ko te ʼu fenua ʼaia neʼe foaki ki te kau Iselaele e te pelepitelo ko Eleasale, mo Sosue te foha ʼo Nune, pea mo te ʼu pule famili ʼo te ʼu telepi ʼo Iselaele. Neʼe natou fai he toho ki te vaevae ʼo te ʼu fenua ʼaia,+ ʼi Silo,+ ia muʼa ʼo Sehova, ʼi te huʼaga ʼo te fale la ʼo te fono.+ Neʼe gata ai leva tanatou vaevae te fenua.