ʼUluaki Koloniko

2 Koʼeni te ʼu foha ʼo Iselaele:+ Ko Lupeni,+ mo Simeone,+ mo Levi,+ mo Suta,+ mo Isakale,+ mo Sepulone,+ 2 mo Tane,+ mo Sosefo,+ mo Pesamino,+ mo Nefetali,+ mo Kate+ pea mo Asele.+

3 Ko te ʼu foha ʼo Suta neʼe ko Ele, mo Onane pea mo Sila. Neʼe ina maʼu te ʼu foha ʼaia ʼe toko tolu mo te ʼofafine ʼo Sua, ʼae neʼe ko te fafine Kanaane.+ Kae neʼe mole leleiʼia e Sehova ia Ele, te ʼuluaki foha ʼo Suta, pea neʼe Ina matehi ia ia.+ 4 Ko te ʼu foha ʼae neʼe maʼu e Suta mo Tamale,+ te ʼohoana ʼo tona foha, neʼe ko Pelesi+ pea mo Sela. Neʼe fakatahiʼi ai ko te ʼu foha ʼe toko nima ʼo Suta.

5 Ko te ʼu foha ʼo Pelesi neʼe ko Eselone pea mo Amule.+

6 Ko te ʼu foha ʼo Sela neʼe ko Simili, mo Etane, mo Emani, mo Kalekole pea mo Tala. Neʼe fakatahiʼi ai ko te foʼi toko nima.

7 Ko te* foha ʼo Kalemi neʼe ko Akali.* Neʼe malaʼia* ia Iselaele ʼuhi ko ia,+ ʼi tana mole fakalogo ki te fakatotonu ʼo ʼuhiga mo te ʼu meʼa ʼae neʼe tonu ke maumauʼi.+

8 Ko te* foha ʼo Etane neʼe ko Asalia.

9 Ko te ʼu foha ʼo Eselone neʼe ko Selasemeele,+ mo Lame+ pea mo Kelupai.*

10 Ko Lame ko te tamai ʼa Aminatape. Pea ko Aminatape+ ko te tamai ʼa Naasone,+ te pule ʼo te hologa ʼo Suta. 11 Ko Naasone ko te tamai ʼa Salama.+ Pea ko Salama ko te tamai ʼa Poase.+ 12 Ko Poase ko te tamai ʼa Opete. Pea ko Opete ko te tamai ʼa Sese.+ 13 Ko Sese ko te tamai ʼa Eliape, tona ʼuluaki foha, mo Apinatape+ te lua, mo Simea te tolu,+ 14 mo Netanele te fa, mo Latai te nima, 15 mo Osemi te ono, pea mo Tavite+ te fitu. 16 Ko ʼonatou tokolua ko Teselusa pea mo Apikaile.+ Ko te ʼu tama ʼa Teselusa neʼe ko Apisai,+ mo Soape+ pea mo Asaele.+ Neʼe natou toko tolu. 17 Neʼe fanauʼi e Apikaile ia Amasa,+ pea ko te tamai ʼa Amasa ko Setele, te tagata Isemaele.

18 Ko Kalepo,* te foha ʼo Eselone, ko te tamai ʼa Sekele, mo Sopeape pea mo Aletone. Ko te ʼu foha ʼaia neʼe ina maʼu mo tona ʼohoana ko Asupea pea mo tana fafine ko Seliote. 19 ʼI te mate ʼa Asupea, neʼe ʼohoana leva ia Kalepo mo Efata,+ ʼo tupu ai ia Ulu.+ 20 Ko Ulu ko te tamai ʼa Uli. Pea ko Uli ko te tamai ʼa Petesalele.+

21 Hili ʼaia, neʼe ʼohoana ia Eselone ʼi tona taʼu 60 mo te ʼofafine ʼo Makile,+ te tamai ʼa Kileate.+ Neʼe nā momoe ʼo tupu ai ia Sekupe. 22 Ko Sekupe ko te tamai ʼa Saile,+ ʼae neʼe ina maʼu te ʼu kolo ʼe 23 ʼi te fenua ʼo Kileate.+ 23 Ki muli age, neʼe toʼo e te kau Kesuli+ pea mo te kau Silia+ ia te kolo ko Havote-saile+ mai te hahaʼi ʼae neʼe nonofo ai, ʼo feia mo Kenati+ pea mo te ʼu kolo ʼae ʼi ʼona tafaʼaki, neʼe ko kolo ʼe 60. Ko natou fuli ʼaia neʼe ko te hologa ʼo Makile, te tamai ʼa Kileate.

24 ʼI te ʼosi mate ʼa Eselone+ ʼi Kalepo-efalata, neʼe fanauʼi e Apisa, te ʼohoana ʼo Eselone ia Akesule,+ te tamai ʼa Tekoa.+

25 Ko te ʼu foha ʼo Selasemeele, te ʼuluaki foha ʼo Eselone, neʼe ko Lame, te ʼuluaki, pea hoa mai ki ai ia Puna, mo Olene, mo Osemi pea mo Akisa. 26 Neʼe ʼi ai te tahi ʼohoana ʼo Selasemeele neʼe higoa ko Atala. Neʼe ko te faʼe ʼaia ʼa Onama. 27 Ko te ʼu foha ʼo Lame, te ʼuluaki foha ʼo Selasemeele, neʼe ko Maatese, mo Samine pea mo Ekele. 28 Ko te ʼu foha ʼo Onama, neʼe ko Samai pea mo Sata. Pea ko te ʼu foha ʼo Samai, neʼe ko Natape pea mo Apisule. 29 Ko te higoa ʼo te ʼohoana ʼo Apisule neʼe ko Apihaile, ʼae neʼe ina fanauʼi ia Akepane pea mo Molite. 30 Ko te ʼu foha ʼo Natape neʼe ko Selete pea mo Apaime. Neʼe mate ia Selete kae neʼe mole hona foha. 31 Ko te* foha ʼo Apaime neʼe ko Sisei. Ko te* foha ʼo Sisei neʼe ko Sesane, pea ko te* foha ʼo Sesane neʼe ko Akelai. 32 Ko te ʼu foha ʼo Sata, te tehina ʼo Samai, neʼe ko Setele pea mo Sonatane. Neʼe mate leva ia Setele kae neʼe mole hona foha. 33 Ko te ʼu foha ʼo Sonatane neʼe ko Peleto pea mo Sasa. Neʼe ko te hologa ʼaia ʼo Selasemeele.

34 Neʼe mole maʼu e Sesane hona foha, kae neʼe ko ʼona pe ia ʼofafine. Pea neʼe maʼu e Sesane tana tagata faifekau Esipito neʼe higoa ko Saleka. 35 Neʼe foaki leva e Sesane tona ʼofafine ke ʼohoana mo tana tagata faifekau ko Saleka, pea neʼe tupu ai ia Atai. 36 Ko Atai ko te tamai ʼa Natane. Pea ko Natane ko te tamai ʼa Sapati. 37 Ko Sapati ko te tamai ʼa Efelale. Pea ko Efelale ko te tamai ʼa Opete. 38 Ko Opete ko te tamai ʼa Seu. Pea ko Seu ko te tamai ʼa Asalia. 39 Ko Asalia ko te tamai ʼa Eletesi. Pea ko Eletesi ko te tamai ʼa Eleasa. 40 Ko Eleasa ko te tamai ʼa Sisemai. Pea ko Sisemai ko te tamai ʼa Salume. 41 Ko Salume ko te tamai ʼa Sekamia. Pea ko Sekamia ko te tamai ʼa Elisama.

42 Ko te ʼu foha ʼo Kalepo,*+ te tehina ʼo Selasemeele, neʼe ko Mesa, tona ʼuluaki foha, ʼae neʼe ko te tamai ʼa Sife, pea mo te ʼu foha ʼo Malesea te tamai ʼa Hepelone. 43 Ko te ʼu foha ʼo Hepelone neʼe ko Kole, mo Tapua, mo Lekeme pea mo Sema. 44 Ko Sema ko te tamai ʼa Lakame, te tamai ʼa Solekeame. Pea ko Lekeme ko te tamai ʼa Samai. 45 Ko te foha ʼo Samai neʼe ko Maoni. Pea ko Maoni ko te tamai ʼa Pete-tesuli.+ 46 Neʼe fanauʼi e Efa, te fafine ʼa Kalepo, ia Halani, mo Motesa pea mo Kase. Pea ko Halani ko te tamai ʼa Kase. 47 Ko te ʼu foha ʼo Iatai neʼe ko Lekemi, mo Sotame, mo Kesane, mo Pelete, mo Efa pea mo Saafe. 48 Ko Maaka, te fafine ʼa Kalepo, neʼe ina fanauʼi ia Sepele pea mo Tikana. 49 Ki muli age, neʼe ina fanauʼi ia Saafe te tamai ʼa Matamana,+ mo Sesa te tamai ʼa Makepena pea mo Kipea.+ Ko te ʼofafine ʼo Kalepo+ neʼe ko Akesa.+ 50 Neʼe ko te hologa ʼaia ʼo Kalepo.

Ko te ʼu foha ʼo Ulu,+ te ʼuluaki tama ʼa Efalata,+ neʼe ko Sopale ʼae neʼe ina fakatuʼu te kolo ko* Kiliate-sealimi,+ 51 mo Salama ʼae neʼe ina fakatuʼu te kolo ko Petelehemi,+ pea mo Alefe ʼae neʼe ina fakatuʼu te kolo ko Pete-kateli. 52 Ko Sopale ʼae neʼe ina fakatuʼu te kolo ko Kiliate-sealimi, neʼe ʼi ai ʼona foha: Ko Aloe pea mo te vaelua ʼo te hahaʼi ʼo Menuote. 53 Ko te ʼu famili ʼae neʼe maʼuʼuli ʼi Kiliate-sealimi neʼe ko te kau Itele,+ mo te kau Puti, mo te kau Sumati pea mo te kau Misalai. Neʼe hifo mai ʼi te ʼu famili ʼaia te kau Tesole+ pea mo te kau Esetaoli.+ 54 Ko te hologa ʼo Salama neʼe ko te hahaʼi ʼae neʼe maʼuʼuli ʼi Petelehemi,+ mo Netofa, mo Atelote-pete-soape, mo te vaelua ʼo te kau Manakati pea mo te hahaʼi ʼo Tesolei. 55 Ko te ʼu famili ʼo te ʼu sekelipa ʼae neʼe nonofo ʼi Saepete neʼe ko te kau Tileati, mo te kau Simeatite pea mo te kau Sukate. Ko natou ʼaia neʼe ko te kau Kenite+ ʼae neʼe hifo mai ia Amati te tamai ʼo te hologa ʼo Lekape.+