Sopo
24 “He koʼe ʼe mole fakatuʼutuʼu e te Mafimafi he ʼaho?+
He koʼe ko natou ʼae ʼe natou iloʼi ia ia ʼe mole natou sisio ki te ʼaho ʼaia?*
2 Ko ʼihi ʼe natou hiki te ʼu tuʼakoi,+
ʼE natou kaihaʼa te ʼu faga manu ʼo ʼave ki ʼonatou koga meʼa lunaʼia.
3 ʼE natou faʼao te asino ʼa te ʼu fanau hala mo tamai,
4 ʼE natou fakakinauʼi te kau masisiva ke natou mavae ʼi te ala,
Pea ʼe fenonoʼi te kau fakaʼofaʼofa ʼo te fenua mai ia natou.+
5 ʼE kumi e te kau masisiva hanatou meʼa kai ohage ko ni asino vao+ ʼi te toafa,
ʼE natou kumi ʼi te toafa he meʼa kai maʼa ʼanatou fanau.
6 ʼE natou tanaki te fulumeto ʼi te gaueʼaga ʼa he tahi kehe,*
Pea ʼe natou toli te vite ʼi te gaueʼaga ʼa te kau agakovi.
7 ʼE mole honatou ʼu mutuʼi meʼa, ʼo natou momoe telefua ʼi te poʼuli,+
ʼE mole ʼi ai honatou ʼu meʼa kafu ki te momoko.
8 ʼE natou palapala moka ʼua ʼi te ʼu moʼuga,
ʼE mole honatou nonoʼaga, koia ʼe natou tapiki ai ki te ʼu fuʼu maka.
9 ʼE toʼo kehe te fanau ʼa te fafine vitua mai tona fatafata,+
ʼE toʼo te ʼu kofu ʼo te kau masisiva.*+
10 Koia ʼe natou haʼele telefua ai, he ʼe mole honatou ʼu mutuʼi meʼa,
Mo halofia, kae ʼe natou fetuku ni fuhiga fulumeto.
11 ʼE natou kinakina ʼi te ʼu kaupa ʼo te ʼu gaueʼaga vite,* ʼi te sisiga ʼo te laʼa.
ʼE natou molomoloki te vite ʼi te ʼu lomiʼaga vite, kae ʼe natou fia iinu.+
12 ʼE lauga ia natou ʼae kua vave mamate ʼi te kolo,
ʼE kalaga ia natou ʼae kua lavevea kovi ʼo kole tokoni,+
Kae ʼe mole ui e te ʼAtua ʼe kovi te meʼa ʼaia.*
14 ʼE ʼala mafoata te tagata faifakapo,
ʼO matematehi te kau fakaʼofaʼofa mo te kau masisiva,+
Kae kaihaʼa leva ia ʼi te poʼuli.
Pea ʼe ina ʼuʼufi tona fofoga.
16 ʼI te poʼuli, ʼe natou ulufi te ʼu ʼapi,
Kae ʼi te ʼaho, ʼe natou nonofo fakamaʼumaʼu ʼi ʼonatou ʼapi.
ʼE mole natou iloʼi te malama ʼo te ʼaho.+
17 Kia natou, ʼe hage te uhu ko te fakapoʼuli gaogao,
ʼE natou iloʼi lelei te ʼu meʼa fakamataku ʼo te fakapoʼuli gaogao.
18 Kae ʼe natou tafea vave anai ʼi te vai.
ʼE malaʼia anai tonatou tofiʼa ʼi te fenua.+
ʼE mole natou toe liliu anai ki ʼanatou gaueʼaga vite.
19 Ka taʼi laʼa pea mo vevela, ʼe huhuʼa te nive ʼo puli,
ʼO toe feia pe mo te Faitoka* ʼe ina toʼo ia natou ʼae neʼe agahala!+
20 ʼE galoʼi anai natou e ʼanatou faʼe, pea ʼe kai natou e te ʼugaga.
ʼE mole toe manatuʼi anai natou.+
ʼE hage anai te heʼe faitotonu ko he fuʼu ʼakau ʼe tuʼusi.
21 ʼE natou kakaʼi te fafine paʼa,
Mo gaohi koviʼi te fafine vitua.
22 ʼE fakaʼaogaʼi anai e te ʼAtua* tona malohi moʼo pulihi te kau malolohi,
Logope la tanatou maʼu tuʼulaga, kae ʼe mole natou iloʼi pe la pe ʼe natou maʼuʼuli anai.
24 ʼE natou maʼoluga ʼi he kiʼi temi nounou pe, pea natou pupuli leva.+
ʼE fakamalaloʼi natou+ pea natou mamate ohage pe ko te hahaʼi fuli.
ʼE tuʼusi natou mo tanaki ohage ko ni kauʼi fulumeto.
25 ʼI te lakaga nei, ko ai ʼae ka ina fakamoʼoni ʼe au gutuloi,
Peʼe ina fakafihiʼi taku palalau?”