Pesalemo

Ki te pule ʼo te kau faimaholo. Pesalemo ʼa Tavite.

20 Ke tali atu e Sehova ʼi te ʼaho ʼo te mamahi.

Ke puipui koe e te huafa ʼo te ʼAtua ʼo Sakopo.+

2 Ke ina foaki atu he tokoni mai te koga meʼa taputapu,+

Pea ke lagolago kia koe mai Sione.+

3 Ke ina manatuʼi ʼau molaga fuli,

Ke ina tali leleiʼi tau holokoseta.* (Sela)

4 Ke ina fakahoko te ʼu fakaʼamu ʼo tou loto,+

Pea ke ina fakaiku leleiʼi ʼau fakatuʼutuʼu fuli.

5 ʼE matou fia kalaga fakafiafia ʼuhi ko tau haofaki,+

ʼE matou hiki anai ʼomatou fuka ʼi te huafa ʼo tomatou ʼAtua.+

Ke tali e Sehova ʼau kole fuli.

6 ʼI te temi nei kua au iloʼi moʼoni ʼe haofaki e Sehova tana fakanofo.+

ʼE ina tali ki ai mai te ʼatu lagi taputapu

ʼO ina haofaki ia ia ʼaki te malohi ʼo tona nima mataʼu.+

7 ʼE falala ʼihi ki te ʼu saliote pea ko ʼihi ki te ʼu hosi.+

Kae ʼe matou tagi matou kia* Sehova tomatou ʼAtua.+

8 Neʼe natou mapelu ifo ʼo fetokaʼi.

Kae neʼe matou toe tutuʼu ake mo malolohi.+

9 Sehova e, haofaki te hau!+

ʼI te ʼaho ʼae ka matou tagi ai kia te ia, ʼe ina tali mai anai.+