Pesalemo
Pesalemo ʼa te ʼu foha ʼo Kole.+ Ko he hiva.
87 ʼE tuʼu te ʼu fakatafito ʼo tona kolo ʼi te ʼu moʼuga taputapu.+
2 ʼE leleiʼia age e Sehova te ʼu matapa ʼo Sione+
ʼI te ʼu fale la fuli ʼo Sakopo.
3 ʼE fai ni fakavikiviki ʼo ʼuhiga mo koe, kolo ʼo te ʼAtua moʼoni.+ (Sela)
4 ʼE kau anai ia Laape*+ mo Papiloni ia natou ʼae ʼe natou iloʼi au.
Koʼeni ia Filisitini, mo Tile pea mo Kusi.
ʼE ui anai: “Ko ia ʼaeni neʼe tupu ai.”
5 Pea ʼe ui anai ʼo ʼuhiga mo Sione:
“Ko natou fuli ʼaia neʼe tutupu ai.”
Pea ʼe fakatuʼu malohi anai e te Maʼoluga ia Sione.
6 ʼE ui anai e Sehova ʼi tana ʼosi tohi te ʼu higoa ʼo te hahaʼi:
“Ko ia ʼaeni neʼe tupu ai.” (Sela)
7 ʼE ui anai e te kau hiva+ mo te kau meʼe:+
“Ko koe te matapuna ʼo ʼaku meʼa lelei fuli.”+