Pesalemo
Pesalemo ʼa Tavite.
138 ʼE au vikiʼi anai koe ʼi toku loto katoa.+
ʼE au hiva atu anai ni fakavikiviki
Ia muʼa ʼo he tahi ʼu ʼatua.*
2 ʼE au tulolo anai ʼo haga ki tou fale lotu taputapu,*+
Pea ʼe au vikiʼi anai tou huafa+
ʼUhi ko tou agalelei* mo tau agatonu,
He neʼe ke fakamaʼuhigaʼi tau folafola mo tou huafa ia meʼa fuli.*
3 Neʼe ke tali mai ʼi te ʼaho ʼae neʼe au tagi atu ai kia te koe,+
Neʼe ke foaki mai te lototoʼa mo te malohi.+
4 Sehova e, ʼe vikiʼi anai koe e te ʼu hau fuli ʼo te kele,+
He neʼe natou logo ki te ʼu fakapapau ʼae neʼe ke fai.
5 ʼE natou hiva anai ʼo ʼuhiga mo te ʼu aga ʼa Sehova,
He ʼe lahi te kololia ʼo Sehova.+
6 ʼE tokagaʼi e Sehova te kau agavaivai, logo la tona maʼoluga,+
Kae ʼe mole fia fakaovi ki te kau fiameʼalahi.+
7 Tatau aipe pe ʼe au to lotoa ʼi he tuʼutamaki, ʼe ke taupau aipe toku maʼuli.+
ʼE ke hiki tou nima ki ʼoku fili itaita,
Pea ʼe ke haofaki au ʼaki tou nima mataʼu.
8 ʼE fakahoko anai e Sehova ʼana manatu fuli ʼo ʼuhiga mo au.