Pesalemo
Ko He Hiva ʼo Te Faifagona.
132 Sehova e, ke ke manatuʼi ia Tavite,
Pea mo ʼona mamahi fuli.+
2 Ke ke manatuʼi neʼe fakapapau kia Sehova,
Neʼe ina fai te fakapapau ʼaeni ki te ʼAtua Mafimafi ʼo Sakopo:+
3 “ ʼE mole au ulu anai ki toku fale la, ki toku ʼapi,+
ʼE mole au takoto anai ʼi toku moeʼaga, ʼi toku palepale,
4 ʼE mole au fakagafua anai ke moeʼi ʼoku mata,
Peʼe ke moeʼi ʼoku laumata,
5 ʼO kaku ki taku maʼu he nofoʼaga maʼa Sehova,
He fale matalelei maʼa te ʼAtua Mafimafi ʼo Sakopo.”+
9 Ke faitotonu ʼau pelepitelo,
Pea ke kalaga fakafiafia tau kau agatonu.
10 ʼAua naʼa ke siʼaki tau fakanofo,
ʼUhi ko tau kaugana ko Tavite.+
11 Neʼe fakapapau ia Sehova kia Tavite,
Pea ʼe mole ina holoʼi anai tana folafola:
“ ʼE ko he tahi ʼo tou hakoga
ʼAe ka au fakanofo ki tou hekaʼaga fakahau.+
12 Kapau ʼe fakaʼapaʼapa ʼou foha ki taku fuakava
Pea mo te ʼu fakamanatu ʼae ʼe au akoʼi age kia natou,+
ʼO toe feia pe mo ʼonatou foha,
ʼE natou heheka anai ʼi tou hekaʼaga fakahau ʼo talu ai.”+
14 “ ʼE ko toku nofoʼaga ʼaia ʼo talu ai.
ʼE au nofo anai ʼi ai+ he ʼe ko toku loto ʼaia.
15 ʼE au foaki lahi age anai hana meʼa kai,
ʼE au fakamakona anai tana kau masisiva ʼaki te pane.+
16 ʼE au fakatui anai ki ʼana pelepitelo te haofaki,+
Pea ʼe kalaga fakafiafia anai tana kau agatonu.+
17 ʼE au fakatuputupu anai ʼi ai te malohi ʼo* Tavite.
Neʼe au teuteuʼi he malama ki taku fakanofo.+
18 ʼE au fakalainoaʼi anai ʼona fili,
Kae ʼe gigila anai te pale ʼae ʼe ina ʼai.”+