Sopo
39 “ ʼE ke iloʼi koa pe ko te temi fea ʼae ʼe fanau ai te ʼu tao ʼo te moʼuga?+
Neʼe ke sio koa ki te fanauʼi e te ʼu tia ʼonatou ʼuhi?+
2 ʼE ke lau koa te ʼu mahina ʼae ʼe faitama ai?
ʼE ke iloʼi koa te temi ʼae ʼe fanau ai?
3 ʼE natou sisike ke fanauʼi ʼonatou ʼuhi,
Pea ʼe gata ai ʼonatou mamahi.
4 ʼE malolohi ʼonatou ʼuhi ʼo lalahi ake ʼi te vao,
ʼE natou olo pea ʼe mole natou toe liliu mai ki ʼanatou faʼe.
5 Ko ai ʼae neʼe ina tuku ke alu te asino vao,+
Pea mo veteki ʼona maea?
6 Neʼe au fakanofo ia ia ʼi te toafa,
Pea ʼe ko te kele kona ko tona nofoʼaga.
7 ʼE fehiʼa ia ki te logoaʼa ʼo te kolo,
ʼE mole logo ia ki te ʼu kalaga ʼa te tagata taki manu.
8 ʼE ina foli te ʼu kiʼi moʼuga ʼo kumi he koga meʼa lunaʼia,
ʼO kumi he ʼakau pe ke ina kai.
9 ʼE fia gaue koa he vitulo vao kia koe?+
ʼE moe anai koa ʼi tou fale manu* ʼi te poʼuli?
10 ʼE ke haʼi anai koa he vitulo vao ʼaki he maea ke ina fuli te kele,
Peʼe mulimuli anai koa ia koe moʼo gaueʼi* he potu fenua laulelei?
11 ʼE ke falala anai koa koe ki te lahi ʼo tona malohi,
Mo foaki age ki ai te ʼu gaue kinakina?
12 Peʼe ke falala anai koa ki ai moʼo tanaki tau taʼukai,
ʼO ʼave ki tou hahaʼaga fulumeto?
13 ʼE folahi fakafiafia e te otulusi ʼona pakakau,
Kae ʼe feala koa ke fakatatau ʼona pakakau mo ʼona fuluʼi otulusi ki ʼae ʼo te motuku?+
14 ʼE ina fakato ʼona fua ki te kele,
Mo fakamafana ai ʼi te efu.
15 ʼE galo kia ia ʼe feala ke haʼeleʼi e he tahi,
Peʼe ke molomoloki e he manu ʼo te vao.
16 ʼE agafefeka ki ʼona ʼuhi, ohage ia ʼe mole ʼa ia,+
ʼE mole tuʼania ia naʼa vaʼiganoa tana gaue.
17 Neʼe mole foaki age ki ai e te ʼAtua te poto,
Pea mo foaki age he ʼatamai.
18 Kae ka tuʼu ake ʼo folahi ʼona pakakau,
ʼE ina vaʼi te hosi mo ia ʼae ʼe heka ai.
19 ʼE ko koe koa ʼae ʼe ke foaki ki te hosi tona malohi?+
Ko koe koa ʼae ʼe ke teuteuʼi tona kia ʼaki he fulu loloa?
20 ʼE feala koa ke ke fakahopo ia ia ohage ko he heʼe?
ʼE fakamataku tana tagi malohi.+
22 ʼE ina vaʼi te mataku pea ʼe mole tuʼania ia ki he meʼa,+
ʼE mole holomuli ia ʼi te heleta.
23 ʼE logo ki te ʼi ʼo te ʼaiʼaga nahau ki tona kia,
ʼE tapa gigila te tao mo te savelo.
24 ʼE hoha ʼi tana lele ki te tau,
ʼE mole feala ke haganoa ʼi tana logo* ki te pupuhi ʼo te fakatagi pupuhi.
25 Ka pupuhi te fakatagi pupuhi, ʼe tagi te hosi,
Mai mamaʼo kua manava ia ki te tau,
ʼE logo ia ki te ʼu kalaga ʼa te kau pule solia pea mo te kalaga tau.+
26 ʼE lele koa te fokone* ʼuhi ko tou ʼatamai,
ʼI tana folahi ʼona pakakau ki te potu saute?
27 ʼE malaga koa te akuila ʼuhi ko tau fakatotonu,+
Pea mo fai tona moeʼaga ʼi te ʼu potu maʼoluga,+
28 Mo nofo ʼi te poʼuli ʼi te mata mato,
Mo fai tona nonoʼaga ʼi he ʼutu?
30 ʼE inu e ʼona ʼuhi te toto,
Pea ʼi he potu pe ʼe leta ai ni sino mate, ʼe nofo ai.”+