Tetelonome
33 ʼI muʼa ʼo te mate ʼa Moisese, te tagata ʼa te ʼAtua moʼoni, neʼe ina fakaha te ʼu tapuakina ʼae ka maʼu anai e te kau Iselaele.+ 2 Neʼe ina ui:
“Neʼe haʼu ia Sehova mai Sinai,+
Pea neʼe ha tona malama kia natou mai Seili.
Neʼe ha tona kololia mai te potu moʼugaʼia ʼo Palani,+
Pea neʼe fakatahi mo ia ʼana lauʼi miliate* kau ʼaselo maʼoniʼoni,+
Pea neʼe tutuʼu ʼi tona toʼomataʼu ʼana tagata tau.+
4 (Neʼe foaki mai e Moisese kia tatou he fakatotonu, ʼei, he lao,+
Ohage ko he koloa maʼa te hahaʼi ʼa Sakopo.)+
5 Pea neʼe hau te ʼAtua ʼi Sesulune,*+
ʼI te temi ʼae neʼe fakatahiʼi ai te kau pule ʼo te hahaʼi,+
Mo te ʼu telepi fuli ʼo Iselaele.+
7 Pea neʼe ina fakaha te ʼu tapuakina ʼaeni ka maʼu anai e Suta:+
“Sehova e, fagono ki te leʼo ʼo Suta,+
Pea ʼofa pe ke ke toe fakaliliu ia ia ki tana hahaʼi.
Neʼe ina haofaki ʼana meʼa ʼaki tona malohi,
Pea ʼofa pe ke ke tokoni kia ia ke ina tauʼi ʼona fili.”+
8 Neʼe ina ui ʼo ʼuhiga mo Levi:+
“ ʼE maʼu tau* Tumime mo tau Ulime+ e te tagata ʼae ʼe agatonu kia koe,+
Ia ia ʼae neʼe ke ʼahiʼahiʼi ʼi Masea.+
Neʼe ke kē mo ia ʼi te ʼu vai ʼo Melipa,+
9 Neʼe ui e te tagata ʼaia ʼo ʼuhiga mo tana tamai mo tana faʼe: ‘ ʼE mole au fakalogo kia naua.’
Neʼe mole ina tokagaʼi pe la ʼona tehina,+
Pea neʼe ina meʼa noaʼi ʼona foha totonu.
Koteʼuhi neʼe mulimuli ki tau folafola,
Pea neʼe ina taupau tau fuakava.+
11 Sehova e, ke ke tapuakiʼi ia ia ʼo ke foaki age te malohi,
Pea ʼofa pe ke ke fiafia ʼi ʼana gaue.
Ke ke fasifasiʼi te ʼu vaʼe* ʼo ʼona fili,
Ke mole toe lava tutuʼu ake ia natou ʼae ʼe fehihiʼa ia ia.”
12 Neʼe ina ui ʼo ʼuhiga mo Pesamino:+
“Ke maʼuli fimalie te ʼofaʼaga ʼo Sehova, ʼi ʼou tafa,
Pea ʼe ina puipui anai ia ia ʼi te ʼaho katoa,
ʼE nofo anai ʼi ʼona fuga ʼuma.”
13 Neʼe ina ui ʼo ʼuhiga mo Sosefo:+
“Ke tapuakiʼi e Sehova tona fenua+
ʼO ina foaki age te ʼu meʼa maʼuhiga ʼo te lagi,
Mo te hahau pea mo te ʼu vai ʼo te ʼu matapuna vai,+
14 Mo te ʼu meʼa maʼuhiga ʼae neʼe homo ake ʼuhi ko te laʼa
Pea mo te ʼu fua ʼae ʼe lelei tukupau ʼe maʼu ʼi te mahina fuli,+
15 Pea ke ina toe foaki age te ʼu meʼa ʼae ʼe lelei tukupau ʼo te ʼu moʼuga ʼafeā*+
Pea mo te ʼu meʼa maʼuhiga ʼo te ʼu kiʼi moʼuga ʼae ʼe tuʼu ʼo talu ai,
16 Mo te ʼu meʼa maʼuhiga ʼo te kele, mo te ʼu meʼa ʼae ʼe maʼu ai,+
Pea mo te ʼofa ʼo Ia ʼae neʼe ha ʼi te kiʼi fuʼu ʼakau talatala.+
ʼOfa pe ke hifo te ʼu tapuakina ʼaia kia Sosefo,
Kia ia ʼae neʼe filifili mai ʼona tehina.+
17 ʼE fakaofoofo tona agaaga ohage ko te ʼuluaki ʼuhi ʼo he vitulo,
Pea ʼe hage ʼona tala ko te ʼu tala ʼo he vitulo ʼo te vao.
ʼE ina leʼei* anai ia te hahaʼi ʼaki ʼona tala,
ʼEi, ia natou fuli ʼaia ʼo kaku ki te ʼu potu taupotu ʼo te kele.
ʼE ko te toko lauʼi hogofulu afe ʼo Efalaimi,+
Pea ʼe ko te toko lauʼi afe ʼo Manase.”
18 Neʼe ina ui ʼo ʼuhiga mo Sepulone:+
“Sepulone, ke ke fakafiafia ʼi tau faifagona,
ʼO feia mo koe Isakale, ke ke fakafiafia ʼi ʼou fale la.+
19 ʼE nā pauʼi anai te hahaʼi ke natou fakatahitahi mai ki te moʼuga.
ʼE nā momoli ai anai te ʼu sakilifisio ʼo te faitotonu.
Koteʼuhi ʼe lahi anai te ʼu koloa ʼo te tai ʼae ka nā toʼo,
ʼO feia mo te ʼu koloa ʼae ʼe fufu ʼi te ʼone.”
20 Neʼe ina ui ʼo ʼuhiga mo Kate:+
“Ke tapuakiʼi ia ia ʼae ʼe ina hiki te ʼu tuʼakoi ke fakalahi te fenua ʼo Kate.+
ʼE takoto ai ohage ko he laione,
Ke ina kai te nima ʼo tona fili, ʼei, pea mo tona ʼulu.
21 ʼE ina filifili anai te ʼuluaki vahe maʼa ia totonu,+
He ʼe ko tona vahe ʼaia neʼe tuku keheʼi e te tagata failao.+
ʼE fakatahitahi anai te kau pule ʼo te hahaʼi.
ʼE ina fakahoko anai te faitotonu ʼa Sehova,
Pea mo ʼana fakamau ʼo ʼuhiga mo Iselaele.”
22 Neʼe ina ui ʼo ʼuhiga mo Tane:+
“Ko Tane ʼe ko he laione kei mui.+
ʼE hopo anai mai Pasani.”+
23 Neʼe ina ui ʼo ʼuhiga mo Nefetali:+
“ ʼE fimalie ia Nefetali he ʼe ina maʼu te ʼofa ʼo Sehova
Pea mo ʼona tapuakina ʼae kua lahi.
Ke ke maʼu te potu uesite mo te potu saute.”
24 Neʼe ina ui ʼo ʼuhiga mo Asele:+
“Neʼe tapuakiʼi e te ʼAtua ia Asele ʼo ina foaki age ni ʼona foha ʼe kaugamalie.
Ke leleiʼia ia ia e ʼona tehina,
Pea ke ina ʼai ʼona vaʼe ki te lolo.
25 ʼE fai te ʼu meʼa fakamaʼu ʼo ʼou matapa ʼaki te ukamea mo te kapa,+
Pea ʼe ke maʼuli fimalie anai ʼi tou maʼuli katoa.
26 ʼE mole he tahi ʼe hage ko te ʼAtua moʼoni+ ʼo Sesulune,+
ʼAe ʼe tokoni atu kia koe mai te lagi
Pea ʼe heka fakaʼaliʼaliki ʼi te ʼu ʼao.+
28 ʼE maʼuli fimalie anai ia Iselaele,
Pea ʼe mole hoko anai he meʼa ki te matapuna vai ʼo Sakopo
ʼI he fenua ʼe maʼu ai te fulumeto* mo te vino foʼou,+
Pea ʼe hifo mai te lagi te hahau.+
29 Fiafia ia koutou, hahaʼi ʼo Iselaele!+