Pesalemo
Pesalemo ʼa Tavite.
101 ʼE au fia hiva te ʼofa agatonu mo te faitotonu.
Sehova e, ʼe au fia hiva atu ni fakavikiviki.*
2 ʼE au fia aga fakaʼeteʼete mo agatonu.
ʼE ke haʼu anai ʼafea kia au?
ʼE au fai anai te meʼa ʼae ʼe lelei ʼi toku loto fale.+
3 ʼE mole au tuku anai ʼi ʼoku muʼa ni meʼa ʼe vaʼiganoa.
ʼE au fehiʼa ki te aga ʼa te hahaʼi ʼae ʼe mole natou fai te meʼa ʼae ʼe lelei.+
ʼE mole au fia felogoi mo natou.
4 ʼE au fakamamaʼo mai ia ia ʼae ʼe kaka tona loto.
ʼE mole au tali* anai te meʼa ʼae ʼe kovi.
Pea ʼe mole au tali anai
Ia ia ʼae ʼe fiameʼameʼa mo fiatuʼu.
6 ʼE au ʼofa anai ki te kau agatonu ʼo te kele
Ke natou nonofo mo au.
Pea ʼe kaugana anai kia au ia ia ʼae ʼe agatonu.
7 ʼE mole nofo anai he tagata kaka ʼi toku fale,
Pea ʼe mole tuʼu anai he tagata gutuloi ʼi ʼoku muʼa.
8 ʼE au pulihi anai ʼi te uhu fuli te kau agakovi ʼo te kele,
ʼEi, ʼe au pulihi anai te kau agamalohi fuli ʼi te kolo ʼo Sehova.+