Pesalemo

Ko He Hiva ʼo Te Faifagona.

130 Sehova e, ʼe au tagi atu kia te koe ʼi te ʼu potu loloto ʼo te tai.+

2 Sehova e, fagono mai ki toku leʼo.

Pea ke fagono mai ʼou taliga ki ʼaku kole tokoni.

3 Sehova* e, kapau ʼe ke lamalama* te ʼu hala,

Sehova e, ko ai ʼae ka lava tuʼu?+

4 Kae ʼe maʼu te fakamolemole moʼoni ʼi ʼou tafa,+

Ke manavasiʼi ai te hahaʼi kia te koe.+

5 ʼE au falala kia Sehova, ʼei, ʼaki toku loto katoa ʼe au falala kia te ia,

ʼE au talitali ki tana folafola.

6 ʼE au talitali kia Sehova mo he fakaʼamu lahi,+

ʼO laka age ia ʼi te talitali ʼa te ʼu tagata leʼo ki te uhu,+

ʼEi, ʼo laka age ia ʼi te talitali ʼa te ʼu tagata leʼo ki te uhu.

7 Ke hoko atu te talitali ʼa Iselaele kia Sehova,

He ʼe agatonu ia Sehova ʼi tona ʼofa,+

Pea ʼe fakaʼamu lahi ke ina totogi tana hahaʼi.

8 ʼEi, ʼe ina totogi anai ia Iselaele mai ʼana hala fuli.