ʼUluaki Kolonito
5 Neʼe au logo ʼe ʼi ai he tagata ia koutou ʼe maʼuli mo te ʼohoana ʼo tana tamai.+ Pea ko te ʼu faʼahiga felaveʼi fakasino heʼe ʼaoga*+ ʼaia ʼe kovi age ia ʼi te ʼu meʼa ʼae ʼe fai e te hahaʼi ʼae ʼe mole tui. 2 Pea ʼe kotou fiameʼalahi ai koa koutou? Peʼe mole tonu koa la ke kotou lotomamahi ai?+ ʼE mole tonu koa la ke toʼo mai ia koutou te tagata ʼae ʼe ina fai te taʼi aga ʼaia?+ 3 Logo la taku puli, kae ʼe au fakakaukauʼi tokotou aluʼaga, pea kua au fakamauʼi te tagata ʼae ʼe ina fai te faʼahi ʼaia, ohage pe ʼe au nofo moʼoni mo koutou. 4 Ka kotou fakatahitahi, ʼe nofo mo koutou te malohi ʼo totatou ʼAliki ko Sesu pea ʼe kotou iloʼi ʼe au fakakaukauʼi tokotou aluʼaga. Koia ʼi te huafa ʼo totatou ʼAliki ko Sesu, 5 ʼe tonu ke kotou tuku te tagata ʼaia kia Satana+ ke pulihi ai tana fakaneke kovi ki te kokelekasio,* pea ke feala ke taupau e te kokelekasio te aga ʼae ʼe lelei ʼi te ʼaho ʼo te ʼAliki.+
6 ʼE mole lelei takotou fiameʼameʼa. ʼE mole kotou iloʼi koa la ʼe fakatupu e he kiʼi meʼa fakatupu ia te falena katoa ʼae neʼe natu ʼaki?+ 7 Kotou toʼo te meʼa fakatupu ʼafeā ke kotou liliu ai ko he falena foʼou neʼe natu, he ʼe kua kotou ʼateaina mai te meʼa fakatupu, koteʼuhi neʼe sakilifisioʼi+ ia Kilisito,* tatatou akeno ʼo te Pasikate.+ 8 Koia tou fai te ʼaho lahi,+ mole ʼaki te meʼa fakatupu ʼafeā, peʼe ko te meʼa fakatupu ʼo te agahala mo te agakovi, kae ʼaki te pane hala fakatupu ʼo te meʼa ʼae ʼe lelei mo moʼoni.
9 Neʼe au tohi atu ʼi taku tohi ke tuku takotou fakatahi mo te hahaʼi ʼae ʼe natou fai he ʼu felaveʼi fakasino heʼe ʼaoga.* 10 Kae neʼe mole au talanoa ʼo ʼuhiga mo te hahaʼi ʼo te malamanei ʼae ʼe natou fai he ʼu felaveʼi fakasino heʼe ʼaoga,*+ peʼe ko te hahaʼi manumanū, peʼe kaihaʼa, peʼe tauhi taula ʼatua. Koteʼuhi kapau koia, pea ʼe tonu ke kotou mavae mai te malamanei.+ 11 Kae ʼe au faitohi atu ke tuku takotou fakatahi+ mo he tahi ʼe lau ʼe ko he tehina kae ʼe ina fai he ʼu felaveʼi fakasino heʼe ʼaoga,* peʼe ko he tagata manumanū,+ peʼe tauhi taula ʼatua, peʼe leakovi, peʼe inu kava fakavalevale,+ peʼe kaihaʼa,+ pea ke ʼaua naʼa kotou kakai mo te taʼi tagata ʼaia. 12 Koteʼuhi kotea ʼae ʼe au fakamauʼi ai ia natou ʼo tuʼa? ʼE mole koa la ko koutou ʼae ʼe kotou fakamauʼi ia natou ʼae ʼi te loto kokelekasio, 13 kae fakamauʼi e te ʼAtua ia natou ʼae ʼo tuʼa?+ “Kotou toʼo mai ia koutou ia ia ʼae ʼe agakovi.”+