Pesalemo

143 Sehova e, fagono mai ki taku faikole.+

Fagono mai ki taku kole tokoni.

 2 ʼAua naʼa ke fakamauʼi tau kaugana,

He ʼe mole feala ki he tahi ke faitotonu ʼi ʼou muʼa.+

 3 ʼE tuli au e toku fili.

ʼE ina tokahi au ki lalo ʼo malamalaki ai au.

 4 Kua au lotovaivai,+

ʼE mole kei au malohi.+

 5 ʼE au manatuʼi te temi muʼa,

ʼE au metitasio* ki ʼau gaue fuli,+

ʼE au fakakaukauʼi* lelei te ʼu gaue ʼo ʼou nima.

 6 ʼE au hiki atu ʼoku nima,

ʼE au talitali kia te koe ohage ko te talitali ʼa he kele moamoa ki te ʼua.+ (Sela)

 7 Sehova e, tali fakavilivili mai.+

ʼE hifohifo toku malohi.+

ʼAua naʼa ke haga kehe ia au,+

Naʼa au hage anai ko natou ʼae ʼe hifo ki te fale maka.+

 8 Ke ke fakaha mai tou ʼofa agatonu ʼi te uhu,

He ʼe au falala kia te koe.

Fakaha mai te ala ʼae ʼe tonu ke au haʼele ai,+

He ʼe au haga atu kia te koe.

10 Akoʼi mai pe ʼe feafeaʼi te fai ʼo tou finegalo,+

He ko koe toku ʼAtua.

ʼE ke agalelei,

Ke taki au e tou laumalie ki he koga meʼa laulelei.

12 Pulihi ʼoku fili ʼuhi ko tou ʼofa agatonu.+

Molehi ia natou fuli ʼae ʼe natou gaohi koviʼi au,+

He ko au ko tau kaugana.+