Numelo
24 ʼI te sio ʼae ʼa Palaame neʼe leleiʼia e* Sehova ke tapuakiʼi ia Iselaele, neʼe mole toe faiga ke ina fakaʼaogaʼi te malohi fakamanamana,+ kae neʼe haga ia ki te toafa. 2 ʼI te hiki ake e Palaame ʼona mata ʼo sio ki Iselaele kua fakatuʼu tonatou nofoʼaga ʼo mulimuli ki ʼonatou telepi,+ neʼe hifo leva te laumalie ʼo te ʼAtua kia ia.+ 3 Neʼe ina tala leva te logo ʼaeni:+
“Koʼeni te ʼu palalau ʼa Palaame, te foha ʼo Peoli,
Te ʼu palalau ʼa he tagata neʼe avahi ʼona mata,
4 Te ʼu palalau ʼa he tahi ʼe logo ki te folafola ʼa te ʼAtua,
ʼAe neʼe sio ki he meʼa neʼe fakaha age e te Mafimafi,
Pea neʼe tulolo kae ava ʼona mata:+
5 Sakopo e, ʼi matalelei leva ʼo ʼou fale la!
Iselaele, ʼe matalelei mo ʼou nofoʼaga.+
6 Kua fakatuʼu ʼo kaku ki mamaʼo, ohage pe ko te ʼu vai tafe,*+
Peʼe ko he ʼu ʼoloto ʼe ovi ki te vai tafe,
Peʼe ko he ʼu fuʼu aloese neʼe to e Sehova,
Peʼe ko he ʼu fuʼu sete ʼe tuʼu ovi ki te vai.
7 ʼE hali tuʼumaʼu pe te vai mai ʼona pakete ʼe lua,
Pea ʼe maʼuli tona hologa ʼo ovi ki te ʼu vai lalahi.+
8 ʼE fakamavae ia ia e te ʼAtua mai Esipito.
ʼE tokoni tona mafimafi kia ia ohage ko te ʼu tala ʼo he vitulo ʼo te vao.
ʼE ina maumauʼi anai te ʼu puleʼaga ʼae ʼe natou fakamamahiʼi ia ia,+
Pea ʼe ina gugu anai ʼonatou hui, pea mo matehi natou ʼaki ʼana kauʼi nahau.
9 Kua takoto ia ia, ʼei, kua takoto ohage ko he laione,
Pea ko ai ʼae ʼe lototoʼa, ke ina toe fakatuʼu ia ia ki ʼoluga?
ʼE maʼu tapuakina ia natou ʼae ʼe natou tapuakiʼi ia koe,
Pea ʼe hoko he malaʼia kia natou ʼae ʼe laukovi kia koe.”+
10 Neʼe kovi ʼosi te ita ʼo Palaka kia Palaame. Neʼe pasipasi ia Palaka kae ita, pea neʼe ina ui kia Palaame: “Neʼe au pauʼi koe ke ke haʼu ʼo faitutuku ki ʼoku fili,+ kae koʼeni kua ke tapuakiʼi koe ia natou, ʼo tuʼa tolu. 11 Toe liliu nei ki tou ʼapi. Neʼe au fia fakapale lahi koe,+ kae koʼeni, kua taʼofi e Sehova tou fakapale.”
12 Neʼe tali leva e Palaame kia Palaka: “Neʼe mole au ui age koa la ki te ʼu tagata ʼave logo ʼae neʼe ke fekauʼi mai: 13 ‘Tatau aipe pe ʼe foaki mai anai e Palaka tona fale ʼae ʼe fonu ai te siliva mo te aulo, kae ʼe mole feala ke au fai he meʼa ʼi toku loto faʼitaliha ʼo fakafeagai ki te fakatotonu ʼa Sehova, pe ʼe lelei peʼe kovi’? Neʼe mole au tali age koa la: ‘ ʼE au fakaha pe anai te meʼa ʼae ka ui mai e Sehova’?+ 14 Pea ʼi te lakaga nei, ʼe au toe liliu anai ki taku hahaʼi. Kae haʼu muʼa, ke au fakaha atu te meʼa ʼae ka fai e te hahaʼi ʼaeni ki tau hahaʼi ʼi te ka haʼu.” 15 Neʼe ina tala ai leva te logo ʼaeni:+
“Koʼeni te ʼu palalau ʼa Palaame, te foha ʼo Peoli,
Te ʼu palalau ʼa he tagata neʼe avahi ʼona mata,+
16 Te ʼu palalau ʼa he tahi ʼe logo ki te folafola ʼa te ʼAtua,
Ko he tahi neʼe foaki age e te Maʼoluga te ʼatamai malama,
Pea neʼe sio ki he meʼa neʼe fakaha age e te Mafimafi,
Pea neʼe tulolo kae ava ʼona mata:
17 ʼE au sio anai kia ia, kae ʼe mole ʼi te temi nei.
ʼE au sio anai kia ia, kae ʼe kei mamaʼo atu ia.
ʼE ina foaʼi moʼoni anai te laʼe ʼo Moape+
Pea mo te ʼu foʼi ʼulu ʼo te ʼu tagata tau agamalohi fuli.
18 Pea ʼe ina maʼu anai ia Etome,+
ʼEi, ʼe maʼu anai ia Seili+ e ʼona fili totonu,+
Pea ʼe fakaha anai e Iselaele tona lototoʼa.
19 ʼE haʼu anai mai ia Sakopo he tagata ka pule,+
Pea ʼe ina fakaʼauha anai he tahi pe ʼe hao mai te maumau ʼo te kolo.”
20 ʼI tana sio kia Amaleke, neʼe hoko atu tana tala te logo, ʼo ina ui:
21 ʼI tana sio ki te kau Kenite,+ neʼe hoko atu tana tala te logo, ʼo ina ui:
“ ʼE malohi tou nofoʼaga, pea ʼe tuʼu tou ʼapi ʼi he maka.
22 Kae ʼe tutu anai e he tahi ia Kaini.*
ʼE kei toe temi ʼe fia ke ʼave popula ai ia koe e te kau Asilia?”
23 Pea neʼe hoko atu tana tala te logo, ʼo ina ui:
“ ʼI malaʼia foki! Ko ai ʼae ka hao anai moka fai e te ʼAtua te faʼahi ʼaia?
24 ʼE ʼomai anai ni vaka mai te matafenua ʼo Kitimi,+
Pea ʼe natou gaohi koviʼi anai ia Asilia,+
Pea ʼe natou gaohi koviʼi anai ia Epele.
Kae ʼe toe fakaʼauha katoa anai mo ia.”
25 Neʼe mavae leva ia Palaame+ ʼo toe liliu kio ia. Pea neʼe toe mavae foki mo Palaka.