ʼUluaki Koloniko

24 Ko te ʼu kalasi ʼaeni ʼo te hologa ʼo Alone: Ko te ʼu foha ʼo Alone neʼe ko Natape, mo Apiu,+ mo Eleasale pea mo Itamale.+ 2 Kae neʼe ʼuluaki mamate ia Natape mo Apiu ʼi tanā tamai,+ pea neʼe mole maʼu honā ʼu foha. Kae neʼe hoko atu pe te gaue fakapelepitelo ʼa Eleasale+ mo Itamale. 3 Ko Tavite, mo Satoke+ ʼi te ʼu foha ʼo Eleasale, pea mo Asimeleke ʼi te ʼu foha ʼo Itamale, neʼe natou vaevae fakakalasi te hologa ʼo Alone, ke foaki kia natou tanatou gaue. 4 Kae neʼe kaugamalie age te ʼu pule ʼae ʼi te ʼu foha ʼo Eleasale ʼi te ʼu pule ʼae ʼi te ʼu foha ʼo Itamale. Koia neʼe vaevae fenei ai ia natou: ʼI te ʼu foha ʼo Eleasale, neʼe ko te ʼu pule ʼo ʼonatou famili ʼe toko 16, pea ʼi te ʼu foha ʼo Itamale, neʼe ko te ʼu pule ʼo ʼonatou famili ʼe toko 8.

5 Tahi ʼae meʼa, neʼe fai ni toho ke vaevae ai ia natou,+ he kutuga mo he tahi age kutuga, koteʼuhi neʼe ʼi ai ni pule ʼo te fale taputapu pea mo ni pule ʼa te ʼAtua moʼoni ʼi te ʼu foha ʼo Eleasale pea mo te ʼu foha ʼo Itamale. 6 Pea neʼe tohi leva ʼonatou higoa e te foha ʼo Netanele ko Semaea, te sikalaipe ʼa te kau Levite ia muʼa ʼo te hau, mo te kau ʼaliki, mo Satoke+ te pelepitelo, mo Asimeleke+ te foha ʼo Apiata,+ pea mo te ʼu pule ʼo te ʼu famili ʼo te kau pelepitelo pea mo te kau Levite. Neʼe filifili he famili maʼa Eleasale pea mo he famili maʼa Itamale.

7 Neʼe to te ʼuluaki toho kia Seosalipe, ko te lua kia Setasa, 8 ko te tolu kia Alime, ko te fa kia Seolime, 9 ko te nima kia Malekisa, ko te ono kia Misamine, 10 ko te fitu kia Akose, ko te valu kia Apisa,+ 11 ko te hiva kia Sesua, ko te hogofulu kia Sekania, 12 ko te 11 kia Eliasipe, ko te 12 kia Sakimi, 13 ko te 13 kia Upa, ko te 14 kia Sesepeape, 14 ko te 15 kia Pileka, ko te 16 kia Imele, 15 ko te 17 kia Esile, ko te 18 kia Apisete, 16 ko te 19 kia Petasia, ko te 20 kia Isekele, 17 ko te 21 kia Sakine, ko te 22 kia Kamula, 18 ko te 23 kia Telaia, pea ko te 24 kia Maasia.

19 Neʼe feia tonatou fakahoahoa ʼo ʼuhiga mo te ʼu gaue ʼae neʼe tonu ke natou fai+ moka natou hu ki te fale ʼo Sehova, ʼo mulimuli pe ki te faʼahiga fai ʼae neʼe fakatuʼu e tanatou kui ko Alone, ohage pe ko tona fakatotonu age e Sehova te ʼAtua ʼo Iselaele.

20 Koʼeni te tahi ʼu foha ʼo Levi: ʼi te ʼu foha ʼo Amilame+ neʼe ko Supaele+ ʼi te ʼu foha ʼo Supaele, neʼe ko Sesetia, 21 ʼi te ʼu foha ʼo Lesapea+ neʼe ko Sisekia te pule, 22 ʼi te kau Siteseale neʼe ko Selomote,+ ʼi te ʼu foha ʼo Selomote neʼe ko Sakate, 23 pea ʼi te ʼu foha ʼo Hepelone neʼe ko Selisa+ te pule, mo Amalia te lua, mo Sakasiele te tolu, pea mo Sekameame te fa, 24 ʼi te ʼu foha ʼo Usiele neʼe ko Mikea, ʼi te ʼu foha ʼo Mikea neʼe ko Samili. 25 Ko te tehina ʼo Mikea neʼe ko Sisekia, ʼi te ʼu foha ʼo Sisekia neʼe ko Sakalia.

26 Ko te ʼu foha ʼo Melali+ neʼe ko Makeli mo Musi, ʼi te ʼu foha ʼo Saasisa neʼe ko Peno. 27 ʼI te hologa ʼo Melali: Neʼe maʼu e Saasisa ia Peno, mo Sohame, mo Sakule pea mo Ipeli, 28 ʼi te ʼu foha ʼo Makeli neʼe ko Eleasale, ʼae neʼe mole hona foha,+ 29 ʼi te ʼu foha ʼo Kisi neʼe ko Selasemeele, 30 pea ko te ʼu foha ʼo Musi neʼe ko Makeli, mo Etele pea mo Selimote.

Neʼe ko te ʼu foha ʼaia ʼo Levi ʼo mulimuli ki ʼonatou famili. 31 Neʼe natou toe fai foki he toho+ ohage ko tona fai e ʼonatou tehina te ʼu foha ʼo Alone. Neʼe natou fai te faʼahi ʼaia ia muʼa ʼo te Hau ko Tavite, mo Satoke, mo Asimeleke, mo te ʼu pule famili ʼo te kau pelepitelo pea mo te kau Levite. Neʼe mole fakakehekeheʼi te famili ʼo ia ʼae neʼe lahi pea mo te famili ʼo ia ʼae neʼe muli.