Pesalemo
Pesalemo ʼa Tavite.
28 Sehova e, siʼoku ʼUtu, ko koe ʼae ʼe au pauʼi tuʼumaʼu,+
Fagono mai ki toku leʼo.
Kapau ʼe ke nofo fakalogologo,
ʼE au hage anai ko natou ʼae ʼe hifo ki te fale maka.+
2 Fagono mai ki ʼaku tagi, moka ʼe au kole tokoni atu kia te koe,
ʼO hiki ake ʼoku nima ki te koga fale taupotu ʼo tou sagatualio.+
3 ʼAua naʼa ke ʼave au mo te kau agakovi, ia natou ʼae ʼe natou fai te ʼu aga ʼae ʼe mole lelei,+
Ia natou ʼae ʼe natou fai ki ʼonatou tatau ni palalau ʼi te tokalelei, kae ʼe kovi ʼonatou loto.+
4 Liufaki kia natou te meʼa ʼae ʼe tuha mo ʼanatou gaue,+
ʼO mulimuli pe ki ʼanatou agakovi.
Liufaki kia natou te totogi ʼae ʼe tuha mo te gaue ʼo ʼonatou nima,
ʼO mulimuli pe ki te meʼa ʼae neʼe natou fai.+
ʼE mole ina tapuakiʼi anai ʼanatou faiga.
6 Ke vikiʼi ia Sehova,
He neʼe logo ki ʼaku tagi.
Neʼe ina haofaki au pea ʼe fiafia toku loto,
Koia ʼe au hiva fakavikiviki anai kia te ia.
8 Ko Sehova ʼe ko te malohiʼaga ʼo tana hahaʼi,
ʼE ko he kolo tau, pea ʼe fakaofoofo tana haofaki tana tagata fakanofo.+
9 Haofaki tau hahaʼi pea mo ke tapuakiʼi tou tofiʼa.+
Ke ke liliu ko honatou tagata tauhi ovi pea mo fua natou ʼo talu ai.+