Pesalemo
Ko te faikole ʼa te tagata ʼae ʼe gaohi koviʼi pea ʼe ina fakaha kia Sehova ʼona tuʼania ʼi tona lotovaivai.+
2 ʼAua naʼa ke lituʼa kia au ʼi toku mamahi.+
Falele ʼo fagono mai.
Tali fakavilivili mai moka au pauʼi atu.+
3 ʼE puli ʼoku ʼaho ohage ko te kohu,
Pea ʼe gosigosi ʼoku hui ohage ko he tafuga afi.+
4 Kua hage toku loto ko te luna moamoa,+
He ʼe mole kei au manatu ʼo kai.
6 ʼE au hage ko te pelikano ʼo te toafa,
Peʼe ko he lulu ʼi he kolo maumau.
8 ʼE laukoviʼi au e ʼoku fili ʼi te ʼaho katoa.+
Ko natou ʼae ʼe natou vaʼi au, ʼe natou fakaʼaogaʼi toku higoa ʼi ʼanatou faitutuku.
9 ʼE au kai te lefulefu ohage ko he moʼi pane,+
Pea ko taku meʼa inu ʼe fio ʼaki ʼoku loʼimata,+
10 ʼUhi ko tou ita mo tou hauhau,
He neʼe ke hiki ake au pea neʼe ke liʼaki leva au.
13 ʼE mahino papau ia, ʼe ke tuʼu ake anai pea ʼe ke manavaʼofa anai ki Sione,+
He ʼe ko te temi ʼaia ʼe ke fakaha ai tou ʼofa kia ia.+
ʼEi, kua hoko mai tona temi.+
15 ʼE manavasiʼi anai te ʼu puleʼaga ki te huafa ʼo Sehova,
Pea ʼe manavasiʼi anai te ʼu hau fuli ʼo te kele ki tou kololia.+
17 ʼE ina tokagaʼi anai te faikole ʼa natou ʼae ʼe fakaʼofaʼofa.+
ʼE mole ina meʼa noaʼi anai ʼanatou faikole.+
18 ʼE tohi te ʼu palalau ʼaeni ki te taʼiake ʼae ka hoa mai,+
Ke feala ai ki he hahaʼi neʼe heʼeki tutupu ke natou vikiʼi ia Sehova.*
19 ʼE sio mai tona nofoʼaga tauʼaluga mo maʼoniʼoni.+
ʼE sioʼi e Sehova te kele mai te ʼatu lagi,
20 Ke logo ki te ʼu lauga ʼa te tagata pilisoni,+
Mo fakaʼateainaʼi ia natou ʼae kua fakatuʼā ki te mate,+
21 Ke kalagaʼi te huafa ʼo Sehova ʼi Sione+
Pea ke vikiʼi ʼi Selusalemi,
22 Moka fakatahitahi te hahaʼi mo te ʼu puleʼaga
Ke natou tauhi kia Sehova.+
23 Neʼe ina toʼo tautonu toku malohi,
Neʼe ina fakanounou ʼoku ʼaho.
24 Neʼe au ui: “Siʼoku ʼAtua,
ʼAua naʼa ke matehi tautonu au,
Ia koe ʼae ʼe ke maʼuli ʼi te ʼu taʼiake fuli.+
25 ʼI te temi muʼa, neʼe ke fakatuʼu te ʼu fakatafito ʼo te kele,
Pea ko te ʼatu lagi ko te ʼu gaue ʼo ʼou nima.+
26 ʼE pulihi anai te kele mo te lagi, kae ko koe ʼe ke maʼuli anai.
ʼE popo fuli anai ohage ko te popo ʼo he kofu.
ʼE ke fetogi anai ohage ko te fetogi ʼo he ʼu kofu pea ʼe pupuli anai.
27 Kae ko koe, ʼe mole ke fetogi pea ʼe mole gata anai ʼou taʼu.+
28 ʼE maʼu anai e te ʼu fanau ʼo ʼau kaugana honatou nofoʼaga ʼo talu ai,
Pea ʼe tuʼu malohi anai tonatou hakoga ʼi ʼou muʼa.”+