Pesalemo
Ke au vikiʼi ia Sehova mo toku loto katoa!+
2 ʼE au fia vikiʼi ia Sehova ʼi toku maʼuli katoa.
ʼE au fia hiva ni fakavikiviki* ki toku ʼAtua ʼi toku temi maʼuli.
3 ʼAua naʼa kotou falala ki te kau ʼaliki,
Peʼe ki te foha ʼo te tagata ʼae ʼe mole feala ke ina haofaki he tahi.+
4 ʼE mavae te manava ʼa te tagata, pea ʼe toe liliu te tagata ki te kele.+
ʼI te ʼaho pe ʼaia, ʼe pulinoa ai ʼana manatu.+
5 Manuʼia ia ia ʼae ʼe ko tona haofakiʼaga te ʼAtua ʼo Sakopo,+
Pea ko tana ʼamanaki ʼe ko Sehova tona ʼAtua,+
6 Ia Ia ʼae neʼe ina fakatupu te lagi mo te kele,
Te tai pea mo meʼa fuli ʼe maʼu ai,+
Ia Ia ʼae ʼe agatonu ʼo talu ai,+
7 Ia Ia ʼae ʼe ina fakapapauʼi te faitotonu kia natou ʼae neʼe kakaʼi,
Ia Ia ʼae ʼe ina foaki te pane ki te hahaʼi pakupaku.+
ʼE fakaʼateainaʼi e Sehova te kau pilisoni.+
8 ʼE avahi e Sehova te ʼu mata ʼo te kau kivi.+
ʼE lagaʼi ake e Sehova ia natou ʼae kua mapelu.+
ʼE ʼofa ia Sehova ki te kau faitotonu.
9 ʼE puipui e Sehova te kau matapule,
ʼE tokoni kia ia ʼae ʼe hala mo tamai mo te fafine vitua,+
Kae ʼe ina taʼofi te ʼu fakatuʼutuʼu ʼa te kau agakovi.+
10 ʼE hau anai ia Sehova ʼo talu ai,+
Hahaʼi ʼo Sione, ʼe hau anai tou ʼAtua mai he taʼiake ki he tahi taʼiake.
Kotou vikiʼi ia Sehova!*