Pesalemo
Ki te pule ʼo te kau faimaholo, ʼo mulimuli ki te Kitite.* Pesalemo ʼa te ʼu foha ʼo Kole.+
ʼE kalaga fakafiafia toku loto mo toku sino ki te ʼAtua maʼuli.
3 Maʼia mo te manulele ʼe ina maʼu ai hona nofoʼaga,
ʼO toe feia mo te kiʼi misi ʼe ina fai ai hona moeʼaga,
Pea ʼe ina taupau ai ʼona ʼuhi,
ʼO ovi ki tou ʼaletale taulekaleka, Sehova ʼo te ʼatu kautau,
Siʼoku Hau mo siʼoku ʼAtua!
4 Manuʼia ia natou ʼae ʼe nonofo ʼi tou fale!+
ʼE natou vikiʼi tuʼumaʼu ia koe.+ (Sela)
5 Manuʼia te ʼu tagata ʼae ʼe natou maʼu tonatou malohi ia te koe,+
ʼAe ʼe natou fakaʼamu ki te ʼu ala ʼo tou fale.
6 Ka natou fakalaka ʼi te Potu Fenua Laulelei ʼo Paka,
ʼE natou fakaliliu ko ni matapuna vai.
Pea ʼe mahu te kele ʼi te ʼu meʼa lelei fuli ʼuhi ko te ʼua.
7 ʼE tuputupu anai tonatou malohi ʼi tanatou lolotoga haʼele.+
ʼE natou tahi tuʼu anai ia muʼa ʼo te ʼAtua ʼi Sione.
8 Sehova ʼAtua ʼo te ʼatu kautau, fagono ki taku faikole.
ʼAtua ʼo Sakopo, fagono mai. (Sela)
10 ʼE lelei age he ʼaho ʼe tahi ʼi ʼou malaʼe ʼi ni ʼaho ʼe afe ʼi tuʼa!+
ʼE au leleiʼia age taku tuʼu ’i te muʼa fale ʼo toku ʼAtua,
ʼI taku nofo ʼi te fale la ʼo te kau agakovi.
11 Ko Sehova ʼAtua, ʼe ko he laʼa+ mo he meʼa tali tau.+
ʼE ina fakaha te ʼofa pea mo foaki te kololia.
ʼE mole fakafisi anai e Sehova he meʼa ʼe lelei
Kia natou ʼae ʼe nonofo agatonu.+