Pesalemo
Pesalemo ʼa Tavite.
29 ʼU foha ʼo te kau malolohi, kotou fakaʼapaʼapa kia Sehova,
Kotou fakaʼapaʼapa kia Sehova ʼuhi ko tona kololia mo tona malohi.+
2 Kotou foaki kia Sehova te kololia ʼae ʼe tuha mo tona huafa.
Kotou tulolo ia muʼa ʼo* Sehova mo ʼokotou teu taputapu.*
3 ʼE logo te leʼo ʼo Sehova ʼi te ʼu fuga vai,
ʼE hage te leʼo ʼo te ʼAtua fonu ʼi te kololia ko te ʼuʼulu ʼo te mana.+
ʼE nofo ia Sehova ʼi te ʼu fuga vai lalahi.+
4 ʼE malohi ʼaupito te leʼo ʼo Sehova,+
ʼE taulekaleka te leʼo ʼo Sehova.
5 ʼE fasifasi te ʼu fuʼu sete ʼuhi ko te leʼo ʼo Sehova,
ʼEi, ʼe laliki e Sehova te ʼu fuʼu sete ʼo Lipane.+
7 ʼE tapa te hila moka palalau ia Sehova.+
8 ʼE galulu te toafa ʼuhi ko te leʼo ʼo Sehova,+
ʼEi, ʼe galulu te toafa ʼo Katesi+ ʼuhi ko Sehova.
9 ʼE matataku te ʼu tia fafine ʼo fananau ʼi tanatou logo ki te leʼo ʼo Sehova,
Pea ʼe maʼofa te ʼu lau ʼo te ʼu vao matuʼa.+
Pea ʼe kalaga ia natou fuli ʼae ʼi tona fale lotu: “Kololia!”
10 ʼE heka ia Sehova ʼi tona hekaʼaga fakahau ʼi te ʼu fuga vai lalahi.+
ʼE ʼafio Hau ia Sehova ʼo talu ai.+
11 ʼE foaki anai e Sehova te malohi ki tana hahaʼi.+
ʼE tapuakiʼi anai e Sehova tana hahaʼi ʼo ina foaki age te tokalelei.+