Pesalemo
148 Kotou vikiʼi ia Sehova!*
Kotou vikiʼi ia Sehova ia koutou ʼae ʼe maʼuʼuli ʼi te lagi,+
Kotou vikiʼi ia ia ʼae ʼi te ʼu potu maʼoluga.
2 Kotou vikiʼi ia ia, koutou fuli ʼae ko tana kau ʼaselo.+
Kotou vikiʼi ia ia, koutou fuli ʼae ko tana kautau.+
3 Kolua vikiʼi ia ia, laʼa mo te mahina.
Kotou vikiʼi ia ia, ʼu fetuʼu gigila fuli.+
4 Kotou vikiʼi ia ia, ʼatu lagi maʼoluga,
Pea mo te ʼu vai ʼae ʼi te fuga lagi.
5 Ke natou vikiʼi te huafa ʼo Sehova,
He neʼe fakatupu natou ʼo mulimuli ki tana fakatotonu.+
7 Kotou vikiʼi ia Sehova mai te kele,
Ia koutou ʼae ko te ʼu manu lalahi ʼo te tai pea mo te ʼu vai loloto fuli,
8 Mo te hila mo te ʼuamaka, mo te nive mo te ʼu ʼao matolu,
Mo koutou ʼu afā ʼae ʼe kotou fakahoko tana folafola,+
9 Mo te ʼu moʼuga mo koutou fuli ʼu kiʼi moʼuga,+
Mo te ʼu fuʼu ʼakau ʼae ʼe fua mo koutou fuli ʼu fuʼu sete,+
10 Mo te ʼu manu ʼo te vao+ mo koutou fuli ʼu manu lalata,
Mo te ʼu manu totolo mo te ʼu manulele,
11 Mo te ʼu hau ʼo te kele mo koutou fuli ʼu puleʼaga,
Mo te ʼu ʼaliki mo koutou fuli ʼu tuʼi fakamau ʼo te kele,+
12 Mo te kau talavou mo te kau finemui,
Mo te kau matuʼa mo te kau tupulaga.
ʼE maʼoluga age tona ʼalikisia ʼi te kele mo te lagi.+
14 ʼE ina fakatuputupu anai te malohi* ʼo tana hahaʼi,
Ke fakavikiviki ai tana kau agatonu fuli,
Te ʼu foha ʼo Iselaele, te hahaʼi ʼae ʼe ovi kia te ia.
Kotou vikiʼi ia Sehova!*