Sopo
7 “ ʼE mole hage koa la te maʼuli ʼo te tagata ʼi te kele ko he kavega?
ʼE mole hage koa la ʼona ʼaho ko te ʼu ʼaho ʼo he tagata gaue ʼe totogi?+
2 ʼE hage ko te tagata kaugana ʼae ʼe fakaʼamu ki te malumalu,
Pea ʼe toe hage ko te tagata gaue ʼae ʼe talitali ki tona totogi.+
3 Koia lolotoga ni mahina neʼe mole he ʼuhiga ʼo toku maʼuli,
Pea lolotoga ni po neʼe au lotomamahi ai.+
4 Ka au takoto, ʼe au ui: ‘ ʼE au ʼala ake anai ʼafea?’+
ʼE au hoha ʼo aʼu ki te mafoata ʼi te loaloaga fau ʼo te poʼuli.
5 ʼE fonu toku sino ko te ʼugaga pea ʼe kelekele te ʼu pakuʼi fele,+
ʼE au kili papala pea ʼe ʼaukau te ʼu mataʼi papala.+
6 ʼE fakalaka vave age ʼoku ʼaho ʼi te gaue ʼa te tagata lalaga,+
Pea ʼe puli ʼoku ʼaho kae ʼe mole he ʼamanaki.+
8 Ko ia ʼae ʼe sio kia au ʼi te temi nei ʼe mole toe sio anai kia au,
ʼE ke kumi anai au, kae kua au puli au.+
9 Ko ia ʼae ʼe hifo ki te Faitoka* ʼe mole toe hake ake anai ia,+
ʼE hage ia ko he ʼao ʼe mavetevete ʼo puli.
11 Koia ʼae ʼe mole au taʼofi anai taku palalau.
ʼE au palalau anai ʼi te hoha ʼo toku ʼatamai.
ʼE au meo anai ʼi te kona ʼo toku mamahi!+
12 Ko au koa ko te tai peʼe ko he manu lahi ʼo te tai
Ke ke fakatuʼu ai he tagata ke leʼo kia au?
13 Ka au ui: ‘ ʼE fakafimalieʼi anai au ʼi toku moeʼaga,
ʼE fakafimalieʼi anai toku mamahi ʼi toku palepale,’
14 Kae ʼe ke fakamatakuʼi au ʼaki ni moemisi,
ʼE ke fakaha mai ni meʼa ke au mataku ai.
15 Koia ʼe au leleiʼia age ke tege au,
ʼEi, ke au mate, ʼi taku maʼuli ʼi te sino ʼaeni.+
16 Kua au fakalialia ki toku maʼuli.+ ʼE mole kei au fia maʼuli.
Tukunoaʼi au, he ʼe hage pe ʼoku ʼaho ko he manava.+
17 Ko ai te tagata ke ke tokaga ki ai,
Peʼe ke ke manatu ki ai?+
18 He koʼe ʼe ke sivisivi ia ia ʼi te uhu fuli?
He koʼe ʼe ke ʼahiʼahiʼi ia ia ʼi te lakaga fuli?+
19 He koʼe ʼe mole ke haga kehe
Mo ke tuku mai he temi ke au folo ai toku savai?+
20 Kapau neʼe au agahala, kotea te kovi ʼae neʼe au fai kia koe, ia koe ʼae ʼe ke sioʼi te hahaʼi?+
He koʼe ʼe ke tauʼi au?
Kua au liliu koa kia koe ko he kavega?
21 He koʼe ʼe mole ke fakamolemole taku talagataʼa?
He koʼe ʼe mole ke mahino ki taku hala?
Kua au vave takoto pe ʼi te efu.+
ʼE ke kumi anai au, kae kua au puli au.”