Pesalemo

Ko He Hiva ʼo Te Faifagona.*

120 Neʼe au tagi kia Sehova ʼi toku lotomamahi,+

Pea neʼe ina tali mai.+

2 Sehova e, haofaki au mai te kau gutuloi

Pea mo ia ʼae ʼe gutukaka.

3 Kotea ʼae ka fai atu e te ʼAtua pea ʼe ina fakatuʼā feafeaʼi anai ia koe,

Ia koe ʼae ʼe gutukaka?+

4 ʼAki te ʼu kauʼi nahau masila+ ʼa he tagata tau,

Pea mo he ʼu mamala kakaha+ ʼo te senete.

5 Malaʼia kia au he ʼe au maʼuli ohage ko he matapule ʼi Meseke!+

ʼE au nofo ʼi te ʼu fale la ʼo Keta.+

6 Neʼe kua fualoa fau taku nofo

Mo natou ʼae ʼe fehihiʼa ki te tokalelei.+

7 ʼE au leleiʼia te tokalelei, kae ka au palalau,

ʼE natou fia tau natou.