Pesalemo
Ki te pule ʼo te kau faimaholo. Pesalemo ʼa Asafe.+ Ko he katiko. Ke hiva mo he ʼu meʼa faimaholo kauʼi uka.
3 Neʼe ina laliki ai te ʼu kauʼi nahau ulo,
Mo te meʼa tali tau, mo te heleta pea mo te ʼu mahafu tau.+ (Sela)
4 ʼE ʼaofi koe e te malama.
ʼE ke taulekaleka age koe ʼi te ʼu moʼuga ʼae ʼe nonofo ai te ʼu manu fekai.
5 Neʼe kaihaʼa te ʼu koloa ʼo te ʼu tagata lototoʼa.+
Neʼe natou maʼumoea.
Neʼe mole kei ʼi ai he malohi ʼo te ʼu tagata tau fuli.+
6 ʼAtua ʼo Sakopo, ʼi tau valoki,
Neʼe mate moe ai te tagata taki saliote ʼo feia mo te hosi.+
7 ʼE ke fakamanavahe tokotahi.+
Ko ai ʼae ʼe ina lava tali tou hauhau?+
8 Neʼe ke fai he fakamau mai te lagi.+
Neʼe mataku ai te kele pea neʼe nofo fakalogologo+
9 ʼI te tuʼu ake ʼa te ʼAtua ʼo fakahoko te fakamau,
Moʼo haofaki te kau agavaivai fuli ʼo te kele.+ (Sela)
10 ʼE vikiʼi anai koe ʼuhi ko te ita lahi ʼa te tagata.+
ʼE fakakololiaʼi anai koe ʼuhi ko te kei itaita ʼa te hahaʼi.
11 Kotou fai ni fakapapau kia Sehova tokotou ʼAtua, pea ke kotou fakahoko.+
Ke ʼaumai e natou fuli ʼae ʼi ʼona tafaʼaki ʼanatou meʼa ʼofa ʼaki he lotomanavasiʼi.+
12 ʼE ina fakamalaloʼi anai te ʼu pule fiameʼalahi.
Pea ʼe matataku te ʼu hau ʼo te kele kia te ia.