ʼUluaki Koloniko

11 Ki muli age, neʼe fakatahitahi te kau Iselaele fuli kia Tavite ʼi Hepelone,+ ʼo natou ui: “Koʼeni ʼe tou kaiga totonu.*+ 2 ʼI te temi muʼa, ʼi te kei hau ʼa Saulo, neʼe ko koe ʼae neʼe ke taki ia Iselaele ki te ʼu tau.+ Pea neʼe ui atu e Sehova tou ʼAtua: ‘ ʼE ke tokaga anai ki taku hahaʼi ko Iselaele, pea ʼe ke liliu anai ko tonatou takitaki.’ ”+ 3 Neʼe ʼomai te kau takitaki fuli ʼo Iselaele ki te hau ʼi Hepelone, pea neʼe fai e Tavite he fuakava mo natou ʼi Hepelone ia muʼa ʼo Sehova. Neʼe natou fakanofo leva ia Tavite ko te hau ʼo Iselaele,+ ohage pe ko tona fakaha e Sehova ʼaki ia Samuele.+

4 Ki muli age, neʼe alu ia Tavite mo Iselaele katoa ki Selusalemi, ʼae ko Sepusi+ pea neʼe nonofo ai te kau Sepusi+ ʼi te fenua. 5 Neʼe manukiʼi e te hahaʼi ʼo Sepusi ia Tavite, ʼo natou ui: “ ʼE mole ke hu mai anai ki te kolo ʼaeni!”+ Kae neʼe toʼo e Tavite te kolo tau ko Sione,+ ʼae ʼe higoa ʼi te temi nei ko te Kolo ʼo Tavite.+ 6 Pea neʼe ui e Tavite: “Ko ia ʼae ʼe ina ʼuluaki ʼohofi te kau Sepusi, ʼe liliu anai ko he pule mo he ʼaliki.” Pea neʼe ʼuluaki alu ia Soape,+ te tama ʼa Teselusa, pea neʼe liliu leva ko te pule. 7 Neʼe nofo leva ia Tavite ʼi te kolo tau. Koia neʼe fakahigoa ai ko te Kolo ʼo Tavite. 8 Neʼe ina kamata laga te ʼu kaupa ʼo te kolo mo te tahi ʼu fale ʼi te kolo, mai Milo* ʼo aʼu ki te ʼu koga meʼa ʼae ʼi ʼona tafaʼaki, pea neʼe toe gaohi e Soape te toe ʼo te kolo. 9 Neʼe liliu ai ia Tavite ʼo malohi ʼaupito,+ pea neʼe nofo ia Sehova ʼo te ʼatu kautau mo ia.

10 Koʼeni te ʼu pule ʼo te kau tagata tau malolohi ʼa Tavite, ʼae neʼe lagolago mo te kau Iselaele fuli ki tana pule fakahau. Neʼe natou tokoni fuli ke fakanofo hau ia ia, ohage pe ko tona fakapapau e Sehova ki Iselaele.+ 11 Koʼeni te ʼu higoa ʼo te ʼu tagata tau malolohi ʼa Tavite: Ko Sakopeame,+ te foha ʼo te tagata Hakomoni, ʼae neʼe pule ki te ʼu tagata tau malolohi ʼe toko tolu.+ ʼI te tahi ʼaho, neʼe ina matehi te ʼu tagata ʼe toko 300 ʼaki tana tao.+ 12 Neʼe hoa ki ai ia Eleasale,+ te foha ʼo Toto, te tagata Akoki.+ Neʼe kau ʼi te ʼu tagata tau malolohi ʼe toko tolu. 13 Neʼe nofo mo Tavite ʼi Pa-tamime,+ ʼae neʼe fakatahitahi ai te kau Filisitini ki te tau. Neʼe ʼi ai te gaueʼaga olose ʼi ai, pea neʼe feholaki te hahaʼi ʼuhi ko te kau Filisitini. 14 Kae neʼe tuʼu ʼi te gaueʼaga, ʼo tauʼi te kau Filisitini ke mole natou toʼo te gaueʼaga ʼaia, pea neʼe ina matehi natou. Neʼe foaki ai e Sehova he toe malo lahi ki Iselaele.+

15 Neʼe hihifo te ʼu tagata ʼe toko tolu ʼo te ʼu tagata pule ʼe toko 30 ki te fuʼu maka, kia Tavite ʼi te ʼana ʼo Atulami.+ Pea neʼe fakatuʼu e he kau solia Filisitini tonatou nofoʼaga ʼi te Potu Fenua Laulelei ʼo Lefaimi.+ 16 Neʼe nofo ia Tavite ʼi tona nonoʼaga ʼi te moʼuga, pea neʼe ʼi ai he nofoʼaga solia ʼo te kau Filisitini ʼi Petelehemi. 17 Pea neʼe fakaʼamuʼamu leva ia Tavite: “Ka na neʼe feala la ke au inu he moʼi vai mai te tane vai ʼae ʼe ovi ki te matapa ʼo Petelehemi!”+ 18 Neʼe ulufi ai e te ʼu tagata ʼe toko tolu ʼaia te nofoʼaga ʼo te kau Filisitini, ʼo natou ohu he moʼi vai mai te tane vai ʼae neʼe ovi ki te matapa ʼo Petelehemi, pea neʼe natou ʼaumai kia Tavite. Kae neʼe mole fia inu ia Tavite ʼo ina huaʼi ai ia muʼa ʼo Sehova. 19 Neʼe ina ui: “ ʼE mole feala ke au fai te faʼahi ʼaia he ʼe au manavasiʼi ki te ʼAtua. ʼE tonu koa ke au inu te toto ʼo te ʼu tagata ʼaeni neʼe feala ke tuʼutamakiʼia ʼonatou maʼuli* ʼi tanatou olo ʼo ohu vai?”+ Koia, neʼe mole fia inu ai. Ko te ʼu meʼa ʼaia neʼe fai e ʼana tagata tau malolohi ʼe toko tolu.

20 Neʼe kau ia Apisai,+ te tehina ʼo Soape,+ ʼi te tahi age ʼu tagata ʼe toko tolu pea neʼe ko tonatou pule. Neʼe ina matehi te toko 300 ʼaki tana tao, pea neʼe iloa ohage ko te ʼu ʼuluaki tagata tau ʼe toko tolu.+ 21 Neʼe lahi age tona iloa ʼi te ʼu tagata ʼe toko lua ʼae neʼe pule ki ai. Kae neʼe mole tatau ia mo te ʼu ʼuluaki tagata tau ʼe toko tolu.

22 Ko Penaia,+ te foha ʼo Seosata neʼe ko he tagata lototoʼa* pea neʼe ina fai ni meʼa lalahi ʼi Kapiteseele.+ Neʼe ina matehi te ʼu foha ʼe lua ʼo Aliele, te tagata Moape, pea neʼe hifo ki te loto tane vai ʼo matehi ai he laione ʼi he ʼaho nive.+ 23 Neʼe ina toe matehi foki mo he toe tagata Esipito neʼe lahi ʼaupito. Neʼe fasiga nima nima tona maʼoluga.*+ Logo la neʼe toʼo e te tagata Esipito ʼi tona nima he tao neʼe hage ko te ʼakau ʼae ʼe lalaga ai te filo,+ kae neʼe haʼu ia ʼo tauʼi ia ia ʼaki he koga ʼakau pea neʼe ina faʼao te tao mai te nima ʼo te tagata Esipito, ʼo ina matehi ʼaki.+ 24 Ko te ʼu meʼa ʼaia neʼe fai e Penaia, te foha ʼo Seosata, pea neʼe iloa ohage ko te ʼu ʼuluaki tagata tau malolohi ʼe toko tolu. 25 Logo la neʼe lahi age tona iloa ʼi te ʼu tagata ʼe toko tolugofulu, kae neʼe mole tatau ia mo te ʼu ʼuluaki tagata tau ʼe toko tolu.+ Kae neʼe fakanofo ia ia e Tavite ke pule ki ʼana tagata leʼo.

26 Ko te ʼu tagata tau malolohi ʼo te foʼi kautau neʼe ko Asaele+ te tehina ʼo Soape, mo Elesanane te foha ʼo Toto mai Petelehemi,+ 27 mo Samote te tagata Alole, mo Eletesi te tagata Palone, 28 mo Ila+ te foha ʼo Isese mai Tekoa, mo Apiesele+ te tagata Anatote, 29 mo Sipekai+ te tagata Husa, mo Ilai te tagata Akoki, 30 mo Maalai+ te tagata Netofa, mo Elete+ te foha ʼo Paana te tagata Netofa, 31 mo Sitai te foha ʼo Lipai mai Kipease ʼo te kau Pesamino,+ mo Penaia te tagata Pilatoni, 32 mo Ulai mai te ʼu vai tafe* ʼo Kaasi,+ mo Apiele te tagata Alapa, 33 mo Asimaveti te tagata Pasalumi, mo Eliapa te tagata Salepone, 34 mo te ʼu foha ʼo Aseme te tagata Kisoni, mo Sonatane te foha ʼo Sake te tagata Alalite, 35 mo Asiame te foha ʼo Sakale te tagata Alalite, mo Elifale te foha ʼo Ule, 36 mo Hefele te tagata Mekela, mo Akisa te tagata Palone, 37 mo Eteselo te tagata Kalemelo, mo Naalai te foha ʼo Esepai, 38 mo Soele te tehina ʼo Natane, mo Mipekale te foha ʼo Akili, 39 mo Teseleke te tagata Amone, mo Nahalai te tagata Peeloti ʼae neʼe ina toʼo te ʼu mahafu ʼa Soape te tama ʼa Teselusa, 40 mo Ila te tagata Itele, mo Kalepe te tagata Itele, 41 mo Ulia+ te tagata Heti, mo Sapati te foha ʼo Akelai, 42 mo Atina ʼae neʼe ko he pule ʼo te kau Lupeni pea ko te foha ʼo Sisea te tagata Lupeni, pea neʼe ko te toko 30 neʼe fakatahi mo ia, 43 mo Hanane te foha ʼo Maaka, mo Sosafati te tagata Miteni, 44 mo Usiasi te tagata Asetaloti, mo Sama pea mo Seiele te ʼu foha ʼo Otame te tagata Aloele, 45 mo Setiaele te foha ʼo Simeli, pea mo Soka tona tehina te tagata Tise, 46 mo Eliele te tagata Masavime, mo Selipai pea mo Sosavia te ʼu foha ʼo Elenaame, pea mo Sitema te tagata Moape, 47 mo Eliele, mo Opete, pea mo Sasiele te tagata Metesopasa.