Sopo
22 Neʼe tali e Elifasi+ te tagata Temane:
2 “ ʼE ʼi ai koa he ʼaoga ʼo te tagata ki te ʼAtua?
ʼE ʼaoga koa ki ai he tagata ʼe fakasiosio poto?+
3 ʼE maʼuhiga koa tau faitotonu kia mata ʼo te Mafimafi?*
Peʼe ina maʼu koa he meʼa ʼi tau nofo agatonu?+
4 ʼE ina fakatuʼā
Mo fakamauʼi anai koa koe ʼuhi ko tau fakaʼapaʼapa ki ai?
5 ʼE mole koa la ʼuhi ko te lahi ʼaupito ʼo tau agakovi,
Pea mo tau agahala tuʼumaʼu?+
6 ʼE ke toʼo he meʼa mai ʼou tehina kae ʼe mole hona tupuʼaga,
Pea ʼe ke toʼo te ʼu teu ʼo natou ʼae ʼe tuʼu maʼua kia koe, ʼo natou telefua ai.+
7 ʼE mole ke foaki he moʼi vai kia ia ʼae ʼe gaʼegaʼe,
Mo he meʼa kai kia ia ʼae ʼe halofia.+
8 ʼE maʼu e te tagata malohi ia te fenua,+
Pea ʼe nofo ai te tagata ʼae ʼe fakaʼapaʼapaʼi.
9 Kae neʼe ke kapu te kau fafine vitua ke olo ʼatea,
Mo ke laliki te ʼu nima ʼo te ʼu fanau hala mo tamai.
10 Koia ʼae ʼe lahi ai te ʼu hele* ʼi ʼou tafaʼaki,+
Pea ʼe ke mataku ʼi te ʼu tuʼutamaki ʼae ʼe hoko fakapunamaʼuli.
11 Koia ʼe mole ke sio ai ki he meʼa he ʼe fakapoʼuli gaogao,
Pea ʼe to kia koe he lomaki.
12 ʼE mole nofo koa la te ʼAtua ʼi te lagi?
Pea tahi ʼae, sio ki te maʼoluga ʼo te ʼu fetuʼu fuli.
13 Kae neʼe ke ui: ‘Kotea la ʼae ʼe iloʼi moʼoni e te ʼAtua?
ʼE feala koa hana fakamauʼi ʼi te fakapoʼuli gaogao?
14 ʼE mole sio ia ʼuhi ko te ʼu ʼao
ʼI tana haʼele ʼae ʼi te takafuafua ʼo te lagi.’
15 ʼE ke haʼele anai koa ʼi te ala
ʼAe neʼe haʼele ai te kau agakovi talu mai te temi muʼa,
16 Ko ni tagata neʼe toʼo fakavilivili,*
17 Neʼe natou ui ki te ʼAtua moʼoni: ‘Tukunoaʼi matou!’
Pea ‘Kotea ʼae ʼe lava fai mai e te Mafimafi kia matou?’
18 Kae ko Ia ʼae neʼe ina fakafonu ʼonatou ʼapi ʼaki ni meʼa lelei.
(ʼE mamaʼo ia au te fakakaukau kovi ʼaia.)
19 ʼE sio anai te tagata faitotonu ki te meʼa ʼaia pea fiafia ai,
Pea ʼe vaʼi anai natou e ia ʼae neʼe mole ina fai hana hala mo ui:
20 ‘Neʼe matehi ʼomatou fili,
Pea ʼe vela anai te meʼa ʼae ka toe ia natou.’
21 Faigaʼi ke ke iloʼi ia Ia, pea ʼe ke maʼu anai te tokalelei.
ʼE ke maʼu anai ni meʼa lelei.
22 Tali te lao ʼae ʼe haʼu mai tona gutu,
Mo taupau ʼana folafola ʼi tou loto.+
23 Kapau ʼe ke toe liliu mai ki te Mafimafi, ʼe ke malolo anai.+
Kapau ʼe ke pulihi te heʼe faitotonu ʼi tou fale la,
24 Kapau ʼe ke li te aulo ki te efu,
Mo te aulo mai Ofile+ ki te ʼu mata maka ʼo te ʼu vai tafe,*
25 ʼE ko te Mafimafi ʼae ka liliu ko tou aulo,
Pea ko ia anai tou siliva ʼae ʼe lelei tukupau.
26 ʼE ke maʼu anai tou fiafiaʼaga ʼi te Mafimafi
Pea ʼe ke hiki anai ʼou mata ki te ʼAtua.
27 ʼE ke tagi mamahi anai kia te ia, pea ʼe logo atu anai.
ʼE ke fakahoko anai ʼau fakapapau.
28 ʼE lava lelei anai ia meʼa fuli ʼe ke fakatotonu ke ke fai,
Pea ʼe mu anai te malama ʼi tou ala.
29 Ka ke palalau fiameʼameʼa, ʼe fakalainoaʼi anai koe.
Kae ʼe ina haofaki anai te kau agavaivai.
30 ʼE ina haofaki anai te tagata ʼae neʼe mole ina fai hana hala.
Koia kapau ʼe mole ke fai he meʼa ʼe kovi, ʼe haofaki moʼoni anai ia koe.”