Pesalemo
Ko he hiva. Pesalemo ʼa Tavite.
108 ʼAtua e, ʼe malohi toku loto!
ʼE au fia hiva mo faimaholo ʼaki toku loto katoa.+
2 ʼE au ʼala mafoata anai.
ʼE au fia ta te alepa pea mo ʼihi meʼa faimaholo kauʼi uka.+
3 Sehova e, ʼe au vikiʼi anai koe ʼi te lotolotoiga ʼo te hahaʼi.
ʼE au hiva atu anai ni fakavikiviki* ʼi te lotolotoiga ʼo te ʼu puleʼaga.
4 ʼE lahi tou ʼofa agatonu ohage ko te maʼoluga ʼo te ʼatu lagi,+
Pea ʼe kaku tau agatonu ki te lagi kauʼaoa.
5 ʼAtua e, ke ke maʼoluga age ʼi te ʼatu lagi,
Ke maʼu tou kololia ʼi te kele katoa.+
6 Haofaki matou ʼaki tou nima mataʼu pea ke tali mai kia au,
Ke haofaki ai ʼou ʼofaina.+
7 Neʼe ui e te ʼAtua ʼi tona ʼuhiga maʼoniʼoni:*
“ ʼE au fakafiafia anai, ʼe au foaki anai ia Sekemi+ ko he tofiʼa,
ʼE au fuafua anai te Potu Fenua Laulelei ʼo Sukoti.+
8 ʼE ʼaʼaku ia Kileate+ ʼo feia pe mo Manase,
Pea ko Efalaimi ʼe ko he puloga ki toku ʼulu.+
Ko Suta ko toku toko fakaʼaliki.+
9 Ko Moape ʼe ko te topu ʼae ʼe au maʼanu ai.+
ʼE au li anai toku sulie ki Etome.+
Pea ʼe au kalaga fakafiafia anai ʼo ʼuhiga mo Filisitini.”+
10 Ko ai ʼae ka ina ʼave au ki te kolo tau?
Ko ai ʼae ka ina taki au ki Etome?+
11 ʼAtua e, ʼe mole koa la ko koe ʼae neʼe ke siʼaki matou?
Siʼomatou ʼAtua, ʼe mole kei ke kau koa mo ʼamatou kautau?+