113 Kotou vikiʼi ia Sehova!
ʼU kaugana ʼa Sehova, kotou kalagaʼi ni fakavikiviki,
Kotou vikiʼi te huafa ʼo Sehova.
2 Ke vikiʼi te huafa ʼo Sehova
ʼI te temi nei ʼo talu ai.+
3 Ke vikiʼi te huafa ʼo Sehova+
Mai te hopoʼaga ʼo te laʼa ki tona toʼaga.
4 ʼE tauʼaluga ia Sehova ʼi te ʼu puleʼaga fuli,+
Pea ʼe maʼoluga age tona kololia ʼi te ʼatu lagi.+
5 Ko ai ʼae ʼe tatau mo Sehova totatou ʼAtua+
ʼAe ʼe nofo ʼi te ʼatu lagi?
6 ʼE falele ke sio ki te lagi mo te kele,+
7 Pea ʼe ina toʼo ake mai te efu ia ia ʼae ʼe veliveli.
ʼE ina fakatuʼuake te tagata masiva mai te tuʼuga lefulefu,+
8 Ke heka fakatahi mo te kau ʼaliki,
ʼEi, te kau ʼaliki ʼo tana hahaʼi.
9 ʼE ina foaki he ʼapi ki te fafine paʼa,
ʼO ina fakaliliu ko he faʼe ʼe fiafia mo tana fanau.+
Kotou vikiʼi ia Sehova!