Pesalemo
Ki te pule ʼo te kau faimaholo. Mikitame* ʼa Tavite, ʼo mulimuli ki te fasi ʼo te hiva “ ʼAua Naʼa Ke Maumauʼi.” ʼI te temi ʼae neʼe fekauʼi ai e Saulo ni tagata ke olo ʼo leʼoleʼo te ʼapi ʼo Tavite* ke feala ai hona matehi.+
2 Haofaki au mai ia natou ʼae ʼe agakovi,
Pea mo natou ʼae ʼe agamalohi.
3 ʼE natou fenonoʼi ke natou ʼohofi au.+
Sehova e, neʼe mole au talagataʼa pe neʼe au agahala,
Kae ʼe tauʼi au e ni tagata malolohi.+
4 Logope la neʼe mole au fai he meʼa ʼe kovi, kae ʼe natou teuteu fakavilivili ke natou tauʼi au.
Ka au pauʼi atu, tuʼu ake ʼo tokoni mai pea mo sio ki te meʼa ʼae ʼe natou fai.
5 Sehova e, ʼAtua ʼo te ʼatu kautau, ko koe te ʼAtua ʼo Iselaele.+
ʼAla ake ʼo vakavakaʼi te ʼu meʼa ʼae ʼe fai e te ʼu puleʼaga fuli.
ʼAua naʼa ke manavaʼofa ki he tahi ʼi te kau agakaka ʼaia.+ (Sela)
6 ʼE natou toe liliu mai ʼi te afiafi fuli.+
7 Tokagaʼi te meʼa ʼae ʼe natou puʼaki* mai ʼi ʼonatou gutu.
ʼE hage ʼonatou laugutu ko ni heleta,+
He ʼe natou ui: “Ko ai ʼae ʼe fakalogo?”+
10 ʼE tokoni mai anai te ʼAtua ʼae ʼe ina fakaha mai tona ʼofa agatonu.+
ʼE tuku anai e te ʼAtua ke au fiafia ʼi te sio ki te to ʼo ʼoku fili.+
11 ʼAua naʼa ke matehi natou naʼa galoʼi e taku hahaʼi te ʼu meʼa ʼae neʼe ke fai.
Ke natou hehe ʼi tou mafimafi.
Sehova e, tomatou meʼa tali tau, fakato natou.+
12 Ke natou to ki he hele ʼi tanatou fiameʼalahi,+
He ʼe natou agahala ʼi te ʼu palalau ʼae ʼe natou fai,
ʼUhi ko ʼanatou laukovi pea mo ʼanatou palalau kaka.
13 Matematehi natou ʼi tou hauhau.+
ʼEi, matematehi natou ke natou pulinoa.
Fakaha age kia natou ʼe pule te ʼAtua kia Sakopo ʼo kaku ki te ʼu potu taupotu ʼo te kele.+ (Sela)
15 Ke natou he noa ʼi te kumi ʼo tanatou meʼa kai.+
Ke mole natou makokona pea ke mole maʼu honatou nofoʼaga.
16 Kae ʼe au hiva anai ʼo ʼuhiga mo tou mafimafi.+
ʼI te uhu ʼe au fiafia anai ʼi te fakamatala ʼo tou ʼofa agatonu.