Pesalemo
Ko He Hiva ʼo Te Faifagona.
123 ʼE au hiki ake ʼoku mata kia te koe,+
Ia koe ʼae ʼe ʼafio ʼi te ʼatu lagi!
2 Ohage pe ko te haga ʼa te ʼu tagata kaugana ʼo sioʼi tonatou pule,
Pea mo te haga ʼa te fafine kaugana ʼo sioʼi tona pule fafine,
ʼE toe feia pe mo tatou, ʼe haga ʼotatou mata kia Sehova, totatou ʼAtua,+
ʼO kaku ki tana fakaha mai tona ʼofa.+
3 Sehova e, fakaha mai tou ʼofa, ʼei, fakaha mai tou ʼofa,
He ʼe kua matou fiu ʼi tomatou meʼa noaʼi.+
4 ʼEi, kua matou fiu ʼi tomatou vaʼi e te hahaʼi ʼae ʼe falala pe kia natou,
Pea mo tomatou meʼa noaʼi e te kau fiatuʼu.